rKTs

e-texts navigator

Volume

Page

273b₁ dga' ba las yang dag par 'das shing zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde ba 'di ni zhi ba'o/ /'di ni gya nom pa'o snyam du sems so/ /de bzhin gshegs pas dge sbyong ngam bram ze gang sngon
273b₂ gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba lus
273b₃ kyis mngon sum du byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba rab tu
273b₄ spangs te/ rab tu dben pa'i dga' ba las yang dag par 'das shing zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde ba 'di ni zhi ba'o/ /'di ni gya nom pa'o snyam du sems pa de yang yang dag pa ji lta ba
273b₅ bzhin du rab tu mkhyen to/ /dge slong dag zang zing med pa'i bde ba de yang mi rtag pa dang / 'gog pa'i chos can yin te/ zang zing med pa'i bde ba 'gags pa las sdug bsngal 'byung bar 'gyur la/ sdug bsngal 'gags pa las kyang zang zing med pa'i bde ba 'byung bar 'gyur
273b₆ te/ dge slong dag 'di lta ste/ dper na 'od pa'i chu ni lan 'ga' 'bri zhing lan 'ga' skye bar 'gyur ro/ /de bzhin du zang zing med pa'i bde ba 'gags pa las kyang sdug bsngal 'byung bar 'gyur la/ sdug bsngal 'gags pa las kyang zang zing med pa'i bde ba 'byung bar
273b₇ 'gyur te/ dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na/ de bzhin gshegs pas de yod par thugs su chud nas de las phyir ldog cing de la zhi bar gzigs

_{iiif viewer powered by OpenSeadragon}

273a - 274a

Texts on this page