rKTs

e-texts navigator

Volume

Page

273a₁ phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba lus kyis mngon sum du byas nas bsgrubs te gnas pa 'di lta ste/ rab tu dben pa'i dga' ba 'di ni zhi
273a₂ ba'o/ /'di ni gya nom pa'o snyam du sems pa de yang yang dag pa ji lta ba bzhin du rab tu mkhyen to/ /dge slong dag rab tu dben pa'i dga' ba de yang mi rtag pa dang / 'gog pa'i chos can yin te/ rab tu dben pa'i bde ba 'gags pa las yid mi bde ba 'byung bar 'gyur la
273a₃ yid mi bde ba 'gags pa las kyang rab tu dben pa'i dga' ba 'byung bar 'gyur te/ dge slong dag 'di lta ste/ dper na gang gi tshe grib ma 'bri ba de'i tshe nyi mas khyab par byed la/ gang gi tshe nyi ma 'bri ba de'i tshe grib mas khyab par byed do/ /de bzhin du rab tu dben pa'i dga' ba
273a₄ 'gags pa las kyang yid mi bde ba 'byung bar 'gyur la/ yid mi bde ba 'gags pa las kyang rab tu dben pa'i dga' ba 'byung bar 'gyur te/ dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed
273a₅ rnams yod na 'du byed rnams kyi 'gog pa yang yod pas na/ de bzhin gshegs pas de yod par thugs su chud nas de las phyir ldog cing de la zhi bar gzigs/ nges par 'byung bar gzigs shing bzhugs so/ /dge slong dag gzhan yang 'di na dge sbyong ngam bram ze la la sngon gyi mtha' dang ldan
273a₆ pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba dag rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba lus kyis mngon sum du
273a₇ byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba rab tu spangs te/ rab tu dben pa'i

_{iiif viewer powered by OpenSeadragon}

272b - 273b

Texts on this page