rKTs

e-texts navigator

Volume

Page

272b₁ mgo gcig tu 'jog par byed pa de ni de dag gi mi shes pa kho na yin par snang ste/ dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na de bzhin gshegs
272b₂ pas de yod par thugs su chud nas de las phyir log cing de la zhi bar gzigs/ nges par 'byung bar gzigs shing bzhugs so/ /dge slong dag sngon gyi mthar rtog pa dag sngon gyi mtha' dang ldan pa'i lta ba'i rnam pa dag mngon par rjod pa mngon par rjod par byed pa ni de snyed yod de/
272b₃ de dag ni sngon gyi mtha' dang ldan pa'i lta ba'i rnam pa rnams zhes bya'o/ /dge slong dag tshe 'di nyid la mya ngan las 'da' smra ba dag tshe 'di nyid la mya ngan las 'da'o zhes mngon par rjod pa mngon par rjod par byed pa ji snyed yod ce na/ dge slong dag 'di na dge sbyong ngam bram ze la la sngon
272b₄ gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag rab tu spangs nas tshe 'di nyid la 'dod pa'i kun du sbyor ba dag rab tu spangs te/ rab tu dben pa'i dga' ba lus kyis mngon sum du byas nas bsgrubs te gnas shing de 'di snyam
272b₅ du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag rab tu spangs nas/ tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba lus kyis mngon sum du byas
272b₆ nas bsgrubs te gnas pa 'di lta ste/ rab tu dben pa'i dga' ba 'di ni zhi ba'o/ /'di ni gya nom pa'o snyam du sems te/ de bzhin gshegs pas dge sbyong ngam bram ze gang sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i
272b₇ rnam pa dag kyang rab tu spangs nas/ tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba lus kyis mngon sum du byas nas bsgrubs te gnas shing de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing /

_{iiif viewer powered by OpenSeadragon}

272a - 273a

Texts on this page