rKTs

e-texts navigator

Volume

Page

271a₁ bdag 'di gzugs can rags pa/ 'byung ba chen po bzhi'i rgyu las byung zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji
271a₂ tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin tu legs par chad pa yin no/ /ji srid du 'dod pa na spyod pa'i lha dang / gzugs na spyod pa'i lha dang / gzugs med pa nam mkha' mtha' yas skye mched du nye bar 'gro/
271a₃ gzugs med pa rnam shes mtha' yas skye mched du nye bar 'gro/ gzugs med pa ci yang med pa'i skye mched du nye bar 'gro/ gzugs med pa 'du shes med 'du shes med min skye mched du nye bar 'gro zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras
271a₄ dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin tu legs par chad pa yin no snyam du sems pa de dag kyang yang dag pa
271a₅ ji lta ba bzhin du rab tu mkhyen to/ /dge slong dag dge sbyong dang bram ze shes pa dang ldan pa/ chad par smra ba/ sems can yod pa la chad pa dang / 'jig pa dang / med par 'dogs par byed pa de dag la ni mi shes pa'i phung po'i lhag ma yod do/ /ji tsam du mi shes pa'i phung po'i
271a₆ lhag ma yod pa de tsam du 'jig tshogs kyis 'jig pa yod pas 'jig tshogs kyis 'jigs shing skrag ste/ 'jig tshogs kho na la yongs su smod par byed cing yongs su smod par byed pa de'i tshe de dag 'jig tshogs kho na la rjes su chags pa yin no/ /dge slong dag de yang rags
271a₇ pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na de bzhin gshegs pas de yod par thugs su chud nas de las phyir ldog cing / de la zhi bar gzigs/ nges par 'byung

_{iiif viewer powered by OpenSeadragon}

270b - 271b

Texts on this page