rKTs

e-texts navigator

Volume

Page

268a₁ cig ni de las ldog pa na rnam shes mtha' yas skye mched yin no zhes mngon par rjod pa mngon par rjod par byed do/ /de bzhin gshegs pas dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon
268a₂ par rjod pa mngon par rjod par byed pa'i dge sbyong dang bram ze shes pa dang ldan pa/ 'du shes can du smra ba de dag kha cig bdag yod par srid de/ de phan chad gzugs can 'du shes can du 'gyur ro zhes bya ba dang / gzugs can ma yin pa dang / 'du shes gcig pa dang / 'du shes
268a₃ tha dad pa dang / 'du shes chung ba dang / 'du shes chen por gyur pa dang / 'du shes tshad med pa'o zhes mngon par rjod pa mngon par rjod par byed pa dang / yang kha cig de las ldog pa na/ rnam shes mtha' yas skye mched yin no zhes mngon par rjod pa mngon par rjod par byed pa de dag yang
268a₄ dag pa ji lta ba bzhin du rab tu mkhyen to/ /dge slong dag 'du shes tha dad pa dang / mchog tu 'dogs pa tha dad pa de dag gis 'di lta ste/ rnam pa thams cad du rnam shes mtha' yas skye mched las yang dag par 'das nas ci yang med do/ /zhes ci yang med pa'i skye mched bsgrubs te
268a₅ gnas pa gnyis su med pa mi g.yo ba de ni mchog yin zhing de ni bla na med pa yin no/ /dge slong dag de ni rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na/ de bzhin gshegs
268a₆ pas de yod par thugs su chud nas de las phyir ldog cing / de la zhi bar gzigs/ nges par 'byung bar gzigs shing bzhugs so/ /dge slong dag de la dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur ro zhes mngon par rjod
268a₇ pa mngon par rjod par byed pa de dag ni dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon par rjod pa mngon par rjod par byed pa de dag gis smras pa la phyir rgol bar byed/ smod par byed cing de dag 'di snyam du sems te/

_{iiif viewer powered by OpenSeadragon}

267b - 268b

Texts on this page