rKTs

e-texts navigator

Volume

Page

267b₁ @##/ /rgya gar skad du/ pany+tsa tri yaM nA ma ma hA sU traM/ bod skad du/ mdo chen po lnga gsum pa zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal
267b₂ mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag dge sbyong dang bram ze gang dag mos pa'i gzhi rnam pa du ma dag mngon par rjod par byed pa de dag thams cad ni gnas lnga mngon par
267b₃ rjod par byed de/ lnga gang zhe na/ kha cig ni de phan chad bdag 'du shes can du 'gyur ro zhes bya ba dang / yang kha cig ni 'du shes med pa dang / 'du shes yod pa yang ma yin/ 'du shes med pa yang ma yin pa dang / chad pa'o zhes bya ba dang / yang kha cig
267b₄ ni tshe 'di nyid la mya ngan las 'da'o zhes mngon par rjod pa mngon par rjod par byed do/ /dge sbyong dang bram ze shes pa dang ldan pa 'du shes can du smra ba de dag kha cig ni bdag yod par srid de/ de phan chad 'du shes can du 'gyur ro zhes bya ba dang / yang kha cig ni chad pa'o zhes bya ba
267b₅ dang / yang kha cig ni tshe 'di nyid la mya ngan las 'da'o zhes mngon par rjod pa mngon par rjod par byed de/ lnga po de dag yod na gsum du 'gyur la/ gsum yod na lngar 'gyur te/ de ni lnga gsum pa'i chos kyi rnam grangs mdor bstan pa yin no/ /dge slong dag de la dge sbyong dang bram ze
267b₆ gang dag 'du shes can du smra ba de dag kha cig ni de phan chad bdag tu 'du shes can du 'gyur ro zhes mngon par rjod pa mngon par rjod par byed pa'i dge sbyong dang bram ze shes pa dang ldan pa 'du shes can du smra ba de dag kha cig ni bdag yod par srid de/ de phan chad gzugs can 'du
267b₇ shes can du 'gyur ro zhes bya ba dang / gzugs can ma yin pa dang / 'du shes gcig pa dang / 'du shes tha dad pa dang / 'du shes chung ba dang / 'du shes chen por gyur pa dang / 'du shes tshad med pa'o zhes mngon par rjod pa mngon par rjod par byed do/ /yang kha

_{iiif viewer powered by OpenSeadragon}

267a - 268a

Texts on this page