| e-texts navigator |
| བོད་ཡིག |
265b1 'gyur/ dri ma thams cad bcom byas shing / /mya ngan 'das pa phun sum thob/ /sdug bsngal zad par byed pa de/ /de yi don ni phun sum yin/ /de nas bcom ldan 'das kyis yangs pa can gyi tshong pa rab tu mang po dag la chos kyi gtam yang dag par bstan/
265b2 yang dag par 'dzin du bcug /yang dag par gzengs bstod/ yang dag par rab tu dga' bar mdzad de/ rnam grangs du mar chos kyi gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga'
265b3 bar mdzad nas gdan las bzhengs te gshegs so/ /mdo chen po rgyal mtshan mchog ces bya ba rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lots+tsha ba ban de ye shes sde la sogs pas bsgyur cing
265b4 zhus te gtan la phab pa/ / @##/ /rgya gar skad du/ d+h+wa dzA gra na nA ma ma hA sU traM/ bod skad du/ mdo chen po rgyal mtshan dam pa zhes bya ba/ dkon mchog gsum la phyag 'tshal
265b5 lo/ /'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag gal te
265b6 khyed cag dgon pa na 'dug kyang rung / shing drung na 'dug kyang rung / /khyim stong pa na 'dug kyang rung ste/ 'jigs pa'am/ bag tsha ba'am/ spu zing zhes byed pa skye bar gyur na/ de'i tshe khyed kyis 'di ltar bcom ldan 'das de ni de bzhin gshegs pa dgra
265b7 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin no zhes nga rnam
iiif viewer powered by OpenSeadragon
Texts on this page
D292 - mdo chen po rgyal mtshan mchog ces bya ba
D293 - mdo chen po rgyal mtshan dam pa