rKTs

e-texts navigator

Volume

Page

258b₁ du 'byung ba yod par shes par gyur na/ kun dga' bo dge slong des 'dod pa'i yon tan de dang de dag la mi rtag par rjes su blta zhing gnas par bya/ zad par rjes su blta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung
258b₂ bar rjes su blta zhing gnas par bya'o/ /kun dga' bo dge slong de 'dod pa'i yon tan de dang de dag la mi rtag par rjes su lta zhing gnas pa dang / zad par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / nges par 'byung bar rjes su lta
258b₃ zhing gnas pa na/ de'i sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung bar 'gyur ba gang yin pa de kun du 'byung bar mi 'gyur ro/ /kun dga' bo gal te dge slong de de ltar so sor rtog pa'i tshe bdag gi sems 'dod pa'i yon tan lnga
258b₄ po 'di dag las 'dod pa'i yon tan gang yang rung ba la brten nas kun du 'byung bar gyur pa gang yin pa de spang bar shes par gyur na/ de de la dran pa dang shes bzhin can du 'gyur ro/ /kun dga' bo 'phags pa nyan thos kyis ma la bdag gis nye bar len pa'i phung po 'di dag la nga'o snyam pa'i nga rgyal
258b₅ dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod dam/ 'on te bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs
258b₆ su ma shes la ma bkag ma bsal ba med ces/ de dang yang du nye bar len pa'i phung po lnga po 'di dag la rang gi sems so sor brtag par bya'o/ /kun dga' bo gal te dge slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i
258b₇ 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod par shes par gyur na/ kun dga' bo dge slong des nye bar len pa'i phung po lnga po 'di dag la yang dang yang du 'di lta ste/ 'di ni gzugs so/ /'di ni gzugs kyi kun 'byung ba'o/ /'di ni

_{iiif viewer powered by OpenSeadragon}

258a - 259a

Texts on this page