rKTs

e-texts navigator

Volume

Page

255b₁ sems nang kho nar bzhag / yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par bya'o zhes zer na/ kun
255b₂ dga' bo de'i tshig ni legs pa yin no/ /de ci'i phyir zhe na/ kun dga' bo de ni gnas yin zhing skabs yin te/ gang sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas
255b₃ shing / ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par 'gyur ba de ni gnas yod pa'i phyir ro/ /kun dga' bo ji ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar
255b₄ 'jog par byed/ dul bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed ce na/ 'di la dge slong dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing /
255b₅ yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas khyab par ma gyur pa dang / khyab par ma byas pa kyang med do/ /'di lta ste/ dper na khrus mkhan nam/ khrus mkhan gyi slob ma mkhas pa zhig gis/ khrus chal
255b₆ zhib mo dag khar phor ram/ gzhong bu'am/ nya phyis su blugs te/ chus btab cing mnyes na/ de khrus chal gyi ril bu rlan pa rlan dang ldan pa/ rlan gyis kun du gang ba/ phyi nang bcas par rlan gyis khyab par 'gyur zhing / phyir yang mi 'jig la zag par yang mi 'gyur ro/ /
255b₇ de bzhin du dge slong yang dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing / yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde

_{iiif viewer powered by OpenSeadragon}

255a - 256a

Texts on this page