rKTs

e-texts navigator

Volume

Page

255a₁ zhing dran pa dang shes bzhin gyis lan mang du gnas so/ /nga gnas pa 'dis gnas pa na dga' ba dang / shin tu sbyangs pa dang / bde ba dang / ting nge 'dzin skyes te/ nga ting nge 'dzin des lus kyi thams cad yang dag par myong zhing dran pa dang shes bzhin gyis
255a₂ lan mang du gnas so/ /nga gnas pa 'dis gnas pa na dge slong dang / dge slong ma dang / dge bsnyen dang / dge bsnyen ma dag nye bar lhags par gyur nas/ nga de la gzhol ba dang / de la 'bab pa dang / de la bab pa'i sems kyis de dag la 'di lta ste/ brtson 'grus su rung
255a₃ bar bya ba'i phyir phan tshun kun dga' bar gtam 'dre bar smra/ phebs par smra zhing chos kyi gtam yang zer ro/ /kun dga' bo de lta bas na dge slong yang kye ma bdag phyi stong pa nyid lus kyis mngon sum du byas nas bsgrubs te gnas par bya'o zhes 'dod par gyur na/ kun dga' bo dge
255a₄ slong des sems nang kho nar gzhag par bya/ yang dag par gzhag par bya/ bsdus te gzhag par bya/ nye bar gzhag par bya/ dul bar bya/ zhi bar bya/ nye bar zhi bar bya/ rgyud gcig tu bya zhing ting nge 'dzin du bya'o/ /kun dga' bo dge slong gang 'di skad ces/ bdag gis
255a₅ sems nang kho nar ma bzhag / yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te
255a₆ gnas par bya'o zhes zer na/ kun dga' bo de ni rnam par 'khrul pa yin par rig par bya'o/ /de ci'i phyir zhe na/ kun dga' bo de ni gnas ma yin zhing skabs ma yin te/ gang sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /
255a₇ dul bar ma byas/ zhi bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te gnas par 'gyur ba de ni gnas med pa'i phyir ro/ /kun dga' bo dge slong gang 'di skad ces/ bdag gis

_{iiif viewer powered by OpenSeadragon}

254b - 255b

Texts on this page