| e-texts navigator |
| བོད་ཡིག |
253a1 pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes su mthong yang / de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo
253a2 'di lta ste/ zag pa rnams zad pas zag pa med cing mngon par 'dus ma byas pa rnam par grol ba gang yin pa 'di ni stong pa nyid la 'jug pa bla na med pa yin no/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na
253a3 byung bar gyur pa'i sangs rgyas bcom ldan 'das de dag gis kyang 'di lta ste/ zag pa rnams zad pas zag pa med cing mngon par 'dus ma byas pa rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs par gyur to/ /kun dga'
253a4 bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag kyang 'di lta ste/ zag pa rnams zad pas zag pa med cing mngon par 'dus ma byas pa rnam par grol ba'i stong pa nyid la 'jug
253a5 pa bla na med pa 'di nyid skus mngon sum du mdzad nas bsgrubs te bzhugs par 'gyur ro/ /kun dga' bo da ltar de bzhin gshegs pa dgra bcom pa yang dag par rdzogs pa'i sangs rgyas nga da ltar byung ba'i dus na 'di lta ste/ zag pa rnams zad pas zag pa med cing 'dus ma byas pa/ rnam par
253a6 grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs so/ /kun dga' bo de lta bas na 'di lta ste/ zag pa rnams zad pas zag pa med cing mngon par 'dus ma byas pa/ rnam par grol ba'i stong pa nyid la 'jug pa bla na med pa gang yin pa 'di nyid
253a7 lus kyis mngon sum du byas nas bsgrubs te gnas par bya'o zhes de ltar bslab par bya ste/ kun dga' bo khyod kyis kyang de bzhin du bslab par bya'o/ /de nas tshe dang ldan pa kun dga' bos/ bcom ldan 'das kyis bka' stsal pa la mngon par bstod cing rjes su yi rang bar byas nas/
iiif viewer powered by OpenSeadragon
Texts on this page
D290 - mdo chen po stong pa nyid ces bya ba