rKTs

e-texts navigator

Volume

Page

252b₁ 'du shes pa dang / ci yang med pa'i skye mched du 'du shes pas stong yang 'di lta ste/ mtshan ma med pa'i dbyings kho na'am/ de las kha cig la brten nas mi stong pa yang yod do snyam mo/ /de la rnam shes mtha' yas skye mched du 'du shes pa dang / ci yang med pa'i skye mched du 'du shes pa la
252b₂ brten pa nyon mongs pa'i gnas gang dag yin pa de dag med kyang de la 'di lta ste/ mtshan ma med pa'i dbyings kho na'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes su mthong
252b₃ yang / de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te phyin ci ma log pa yin no/ /de 'di snyam du sems te/ mtshan ma med pa'i dbyings kyang mngon par 'dus byas
252b₄ shing sems pas mngon par bsams pa yin te/ gang mngon par 'dus byas shing sems pas mngon par bsams pa de la ni mngon par dga' bar bya ba'am/ mngon par brjod par bya ba'am/ lhag par chags par bya ba'am/ lhag par chags shing gnas par bya bar mi rigs so
252b₅ snyam mo/ /des de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang sems rnam par grol lo/ /rnam par grol bas bdag ni skye ba zad do/ /tshangs par spyad pa bstan to/ /bya ba byas so/ /srid
252b₆ pa 'di las gzhan mi shes so zhes rnam par grol ba ye shes mthong ba kho nar 'gyur ro/ /de 'di snyam du sems te/ 'du shes kyi rnam pa 'di 'di lta ste/ 'dod pa'i zag pa dang / srid pa'i zag pa dang / ma rig pa'i zag pas stong yang 'di la 'di lta ste/ srog rkyen du byas pa'i skye mched
252b₇ drug gi lus 'di kho na la brten nas mi stong pa yang yod do snyam mo/ /de la 'dod pa'i zag pa dang / srid pa'i zag pa dang / ma rig pa'i zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de kho na la brten

_{iiif viewer powered by OpenSeadragon}

252a - 253a

Texts on this page