rKTs

e-texts navigator

Volume

Page

251b₁ bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa yin no/ /de 'di snyam du sems te/ mtshan ma med pa'i dbyings kyang mngon par 'dus byas shing sems pas mngon par bsams pa de la ni mngon par dga' bar bya ba'am/ mngon par brjod par
251b₂ bya ba'am/ lhag par chags par bya ba'am/ lhag par chags shing gnas par bya bar mi rigs so snyam mo/ /des de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang sems rnam
251b₃ par grol lo/ /rnam par grol bas bdag ni skye ba zad do/ /tshangs par spyad pa bstan to/ /bya ba byas so/ /srid pa 'di las gzhan mi shes so/ /zhes rnam par grol ba ye shes mthong ba kho nar 'gyur ro/ /de 'di snyam du sems te/ 'du shes kyi rnam pa 'di 'di lta ste/
251b₄ 'dod pa'i zag pa dang / srid pa'i zag pa dang / ma rig pa'i zag pas stong yang 'di la 'di lta ste/ srog can du byas pa'i skye mched drug gi lus 'di kho na la brten nas mi stong pa yang yod do snyam mo/ /de la 'dod pa'i zag pa dang / srid pa'i zag pa dang / ma rig pa'i
251b₅ zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de kho na la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar
251b₆ yang dag par rjes su mthong yang / grong du zag pa med cing mngon par 'dus ma byas pa kho na'am/ de las kha cig la brten nas mi stong pa yang yod do snyam mo/ /de la sar 'du shes pa dang / nam mkha' mtha' yas skye mched du 'du shes pa la brten pa nyon mongs pa'i gnas
251b₇ gang dag yin pa de dag med kyang de la 'di lta ste/ rnam shes mtha' yas skye mched du 'du shes pa kho na'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes

_{iiif viewer powered by OpenSeadragon}

251a - 252a

Texts on this page