rKTs

e-texts navigator

Volume

Page

251a₁ shes pa dang / rnam shes mtha' yas skye mched du 'du shes pa yid la mi bya bar ci yang med pa'i skye mched du 'du shes pa'am/ de las kha cig yid la bya'o/ /de 'di snyam du sems te/ 'du shes kyi rnam pa 'di 'di lta ste/ nam mkha' mtha' yas skye mched
251a₂ du 'du shes pa dang / rnam shes mtha' yas skye mched du 'du shes pas stong yang de la 'di lta ste/ ci yang med pa'i skye mched du 'du shes pa kho na'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa des stong
251a₃ ngo / /zhes bya bar yang dag par rjes su mthong yang de la lhag ma gang yod pa de de la yod do/ /zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa yin no/ /kun dga' bo
251a₄ gzhan yang dge slong zhig kye ma bdag stong pa nyid kyis lan mang du gnas par bya'o/ /zhes 'dod par gyur na/ kun dga' bo dge slong des rnam shes mtha' yas skye mched du 'du shes pa dang / ci yang med pa'i skye mched du 'du shes pa yid la mi bya bar mtshan ma med pa'i dbyings
251a₅ sam/ de las kha cig yid la bya'o/ /de 'di snyam du sems te/ 'du shes kyi rnam pa 'di 'di lta ste/ rnam shes mtha' yas skye mched du 'du shes pa dang / ci yang med pa'i skye mched du 'du shes pas stong yang 'di lta ste/ mtshan ma med pa'i dbyings kho na'am/ de
251a₆ las kha cig la brten nas mi stong pa yod do snyam mo/ /de la rnam shes mtha' yas skye mched du 'du shes pa dang / ci yang med pa'i 'du shes pa la brten pa nyon mongs pa'i gnas gang dag yin pa de dag med kyang de la 'di lta ste/ mtshan ma med pa'i dbyings kho na'am/ de las
251a₇ kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar yang dag par rjes su mthong yang / de la lhag ma gang yod pa de de la yod do zhes bya bar yang dag pa ji lta bzhin du rab tu shes te/ kun dga'

_{iiif viewer powered by OpenSeadragon}

250b - 251b

Texts on this page