| e-texts navigator |
| བོད་ཡིག |
250a1 @##/ /rgya gar skad du/ shUn+ya tA nA ma ma hA sU traM/ bod skad du/ mdo chen po stong pa nyid ces bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod kyi shar gyi kun dga' ra ba na 'dzin gyi
250a2 ma'i khang bzang na bzhugs so/ /de nas tshe dang ldan pa kun dga' bo phyi dro nang du yang dag 'jog las langs nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas
250a3 bcom ldan 'das la tshe dang ldan pa kun dga' bos 'di skad ces gsol to/ /btsun pa dus gcig na bcom ldan 'das shAkya rnams kyi nang na shAkya rnams kyi grong rdal grong khyer zhes bgyi ba na bzhugs pa de'i tshe/ de nas bcom ldan 'das kyis 'di skad ces kun dga' bo nga ni stong pa
250a4 nyid kyis lan mang du gnas so zhes bka' stsal pa'i don bdag gis 'tshal lags na/ btsun pa ci bcom ldan 'das kyis bka' stsal pa/ bdag gis legs par mnyan cing legs par bzung / legs par yid la bgyis/ legs par bsten/ legs par rtogs pa de bzhin
250a5 du ma lags shing de kho na bzhin lags sam/ bka' stsal pa/ kun dga' bo de de bzhin te/ ngas bshad pa khyod kyis legs par mnyan cing legs par bzung / legs par bsten/ legs par rtogs pa de ni gzhan du ma yin te de kho na bzhin yin no/ /de ci'i phyir zhe na/ kun dga'
250a6 bo nga ni de'i tshe dang da ltar yang stong pa nyid kyis lan mang du gnas pa'i phyir ro/ /kun dga' bo 'di lta ste/ dper na 'dzin gyi ma'i khang bzang 'di glang po che dang / rta dang / ba lang dang / lug dang / bya gag dang / phag gis stong zhing nor dang / 'bru dang / 'gron bu dang / gser
250a7 gyis stong la/ bran dang / bran mo dang / las byed pa dang / zho shas 'tsho ba dag dang / skyes pa dang / bud med dang / khye'u dang / bu mo dag gis stong yang 'di na 'di lta ste/ dge slong gi dge 'dun kho na'am/ de las kha cig la brten nas mi stong pa yang yod do/ /kun
iiif viewer powered by OpenSeadragon
Texts on this page
D290 - mdo chen po stong pa nyid ces bya ba