| e-texts navigator |
| བོད་ཡིག |
244a1 sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / /des yid kyis rnam par shes par bya ba 'das pa dang / ma 'ongs pa dang / da ltar byung ba'i chos rnams nad du yang dag par rjes su mthong zhing / 'bras dang / zug rngu
244a2 dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i yid kyis rnam par shes par bya ba 'das pa dang / ma 'ongs pa dang / da ltar byung ba'i chos dag la log par mos pa'am/ 'du shes phyin ci log gam/
244a3 sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu
244a4 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang / yi chad pa dang / phyogs med par byas te gnas shing / bdud sdig can gyis mi mthong bar song nas bdud dang / bdud kyi 'khor bcom zhing / g.yul chen po'i g.yul sprad de/
244a5 g.yul las rnam par rgyal ba dang / g.yul ngo de nyid mngon par pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /bcom ldan 'das kyis de skad
244a6 ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //bar sdom ni/ /smyon pa dang ni sgyu ma dang / /ra ro ba dang sgra brnyan dang / /gshed ma dang ni me long dang / /zas sbyin pa dang smig rgyu dang / /rkun pos gtses pa grong nas dang / /rmi lam dga' spyod
244a7 za ma tog / nor bu dpung rgyan rnam dag ni/ /sgyu ma'i dra ba kun bsdus pa'o/ /mdo chen po sgyu ma'i dra ba zhes bya ba rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa// //
iiif viewer powered by OpenSeadragon
Texts on this page
D288 - mdo chen po sgyu ma'i dra ba zhes bya ba