rKTs

e-texts navigator

Volume

Page

243b₁ nas yod do snyam du sems so/ /sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i nor bu dag gam/ rna cha gdub
243b₂ kor dag gam/ mgul rgyan dag gam/ gdu bu rgyan can dag gam/ dpung rgyan dag gam/ lag rgyan dag gam/ rkang rgyan dag gam/ sor gdub rgyan dag gam/ gser dang dngul gyi phreng ba 'di dag ni bden pa dang gnas pa'i sgo nas yod pa ma yin te/ gyi na sgyu
243b₃ mar byas pa 'di 'ba' zhig yod do/ /mig slu bar byed pa 'di 'ba' zhig yod do snyam du sems so/ /dge slong dag de bzhin du 'phags pa nyan thos thos pa dang ldan pa yang bdag gis yid kyis rnam par shes par bya ba 'das pa dang / ma 'ongs pa dang / da ltar byung ba'i chos gang
243b₄ dag yin pa 'di dag la/ rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid
243b₅ dam/ ma nor ba nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de
243b₆ nyid yin/ ro yang de nyid yin/ ro'i gzugs kyang de nyid yin pas de la ni mngon par dga' bar bya ba'am/ mngon par brjod par bya ba'am/ lhag par chags par bya ba'am/ lhag par chags shing gnas par bya bar mi rigs kyi/ bcom ldan 'das kyis gsungs pa
243b₇ 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas yid kyis rnam par shes par bya ba 'das pa dang / ma 'ongs pa dang / da ltar byung ba'i chos rnams nad du yang dag par rjes su mthong / 'bras dang / zug rngu dang /

_{iiif viewer powered by OpenSeadragon}

243a - 244a

Texts on this page