rKTs

e-texts navigator

Volume

Page

242a₁ ba dang / 'chi ba nyams su myong zhing / sngon gyi mtha' mi mngon par gyur pas bdag gis da ni yid kyis rnam par shes par bya ba'i chos dag la sngon ji lta ba de ltar bslab par mi bya zhing / bdag gis yid kyis rnam par shes par bya ba 'das pa dang / ma 'ongs
242a₂ pa dang / da ltar byung ba'i chos dag la log par mos pa'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang
242a₃ brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge
242a₄ slong dag 'on kyang 'di na kha cig la ni yid kyis rnam par shes par bya ba'i chos de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid
242a₅ mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong
242a₆ zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig yid kyis rnam par shes par bya ba'i chos 'di dag nyid bden pa dang gnas pa'i sgo nas ma mthong zhing / ji ltar rang
242a₇ rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni pa'o zhes rjes su tha snyad 'dogs par byed pa de dag ni yid kyis rnam par shes par bya ba'i chos yid bde ba'i gnas lta bu dag la rjes su chags shing gnas te/

_{iiif viewer powered by OpenSeadragon}

241b - 242b

Texts on this page