rKTs

e-texts navigator

Volume

Page

235a₁ rjes su chags shing gnas par gyur la/ snas rnam par shes par bya ba'i dri yid mi bde ba'i gnas lta bu dag la ni khong khro ba dang ldan zhing gnas par gyur/ snas rnam par shes par bya ba'i dri btang snyoms kyi gnas lta bu dag la ni so sor brtags pa ma yin so sor
235a₂ brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing / rjes su byed pa na/ rga ba dang / 'chi ba nyams su myong zhing / sngon gyi mtha' mi mngon par gyur pas bdag gis da ni snas rnam par shes par bya ba'i dri dag la sngon ji
235a₃ lta ba de ltar bslab par mi bya zhing / bdag gi snas rnam par shes par bya ba 'das pa dang / ma 'ongs pa dang / da ltar byung ba'i dri dag la log par mos pa'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi
235a₄ tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de
235a₅ dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni snas rnam par shes par bya ba'i dri de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la de dag la yang dus la lar ni yid
235a₆ bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis
235a₇ bslus nas nyes dmigs su mi mthong zhing / nges par 'byung bar rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma

_{iiif viewer powered by OpenSeadragon}

234b - 235b

Texts on this page