rKTs

e-texts navigator

Volume

Page

233b₁ kyi mdud pas kun nas sun phyung ba khong khro ba'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo
233b₂ nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni pa'o zhes rjes su tha snyad 'dogs par byed pa de dag ni rna bas rnam par shes par bya ba'i sgra btang snyoms kyi gnas lta bu dag
233b₃ las so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun du sbyor ba dang ldan pa de dag kyang
233b₄ bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na mi smyon pa'am/ chang gis ra ro bar gyur pa ni ma dang lhan cig nyal po byed cing / de des mngon par dga' bar byed la/ de la nyes dmigs su ma mthong ba las gang gi tshe de smyos pa'am/
233b₅ ra ro ba sangs par gyur pa de'i tshe ma dang lhan cig nyal po byas pa des gdung bar byed/ ngo tsha bar byed/ gnong bar byed cing / rnam par smod par byed do/ /dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di
233b₆ nyid thob nas sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnong bar byed cing / rnam par smod par byed la/ de 'di snyam du sems te/ bdag gis ni sngon mi rtag pa kho na la rtag par bsams
233b₇ shing / bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar na bdag ni sngon mi rtag pa la rtag par 'du shes pa dang / sdug bsngal ba la bde bar 'du

_{iiif viewer powered by OpenSeadragon}

233a - 234a

Texts on this page