rKTs

e-texts navigator

Volume

Page

233a₁ cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni rna bas rnam par shes par bya ba'i sgra de dag
233a₂ nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas
233a₃ lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing nges par 'byung ba rab tu mi shes te/ bdud sdig can ji ltar 'dod pa bzhin byed
233a₄ du 'jug go/ /dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan
233a₅ ni pa'o zhes rjes su tha snyad 'dogs par byed pa de dag ni rna bas rnam par shes par bya ba'i sgra yid bde ba'i gnas lta bu dag la rjes su chags shing gnas te/ dge sbyong dang bram ze brnab sems kyi tshogs kyi mdud pas kun nas sun phyung ba/ rjes su chags pa'i kun du sbyor ba dang ldan
233a₆ pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis
233a₇ bzung ste/ mngon par zhen par byas nas 'di nyid bden gyi gzhan ni pa'o zhes rjes su tha snyad 'dogs par byed pa de dag ni rna bas rnam par shes par bya ba'i sgra yid mi bde ba'i gnas lta bu dag la khong khro ba dang ldan par gnas te/ dge sbyong dang bram ze gnod sems kyi tshogs

_{iiif viewer powered by OpenSeadragon}

232b - 233b

Texts on this page