rKTs

e-texts navigator

Volume

Page

231a₁ rjes su chags pa'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig mig gis rnam par shes par bya ba'i gzugs 'di dag nyid bden pa dang gnas pa'i sgo nas ma
231a₂ mthong zhing ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs yid mi bde ba'i gnas lta bu dag la khong khro ba dang ldan
231a₃ par gnas te/ dge sbyong dang bram ze gnod sems kyi tshogs kyi mdud pas kun nas sun phyung ba/ khong khro ba'i kun du sbyor ba dang ldan pa de dag kyang bdud sdig can ji ltar 'dod pa bzhin du byed du 'jug pa yin no/ /dge slong dag dge sbyong ngam bram ze gang dag kha cig mig gis
231a₄ rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni pa'o zhes rjes su tha snyad 'dogs par byed pa de dag ni mig gis rnam
231a₅ par shes par bya ba'i gzugs btang snyoms kyi gnas lta bu dag la so so so sor brtags pa ma yin pa'i btang snyoms su gnas te/ dge sbyong ngam bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun du sbyor ba dang
231a₆ ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na mi smyon pa sems g.yengs pa ni gcer bur de dang de dag tu 'khyam par byed cing / de des mngon par dga' bar byed la/ de la nyes dmigs su ma mthong ba las gang gi tshe
231a₇ des rang gi sems phyir thob pa de'i tshe de sngon gyi smyon pa'i spyod pa dang / sems g.yengs pa'i spyod pa dang / gcer bu'i spyod pa pa des gdung bar byed/ ngo tsha bar byed/ gnong bar byed cing / rnam par smod par byed do/ /dge slong dag de bzhin du 'phags pa nyan thos thos pa dang ldan pa

_{iiif viewer powered by OpenSeadragon}

230b - 231b

Texts on this page