| e-texts navigator |
| བོད་ཡིག |
230a1 @#/ /rgya gar skad du/ mA yA dzA laM nA ma ma hA sU traM/ bod skad du/ mdo chen po sgyu ma'i dra ba zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal
230a2 byed kyi tshal/ mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag lhag pa'i tshul khrims kyi bslab pa yod la/ lhag pa'i sems med cing / lhag pa'i shes rab med pa dang /
230a3 lhag pa'i tshul khrims dang / lhag pa'i sems kyi bslab pa yod la/ lhag pa'i shes rab med pa yang yod de/ 'phags pa nyan thos lhag pa'i shes rab la brtson pa'i rjes su sbyor ba la gnas na lhag pa'i tshul khrims dang / lhag pa'i sems kyi bslab pa'i bsgom
230a4 pa yongs su rdzogs par 'gyur te/ dge slong dag de ltar na/ 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /dge slong dag ji ltar na 'phags pa nyan
230a5 thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni bdag sngon mig gis rnam
230a6 par shes par bya ba'i gzugs yid bde ba'i gnas lta bu dag la ni rjes su chags shing gnas par gyur la/ mig gis rnam par shes par bya ba'i gzugs yid mi bde ba'i gnas lta bu dag la ni khong khro ba dang ldan zhing gnas par gyur/ mig gis rnam par shes par bya ba'i
230a7 gzugs btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas par 'gyur te/ de ltar bdag yun ring bo nas 'di la rjes su slob cing rjes su byed pa na rga ba dang / 'chi ba nyams su myong zhing / sngon gyi mtha' mi mngon
iiif viewer powered by OpenSeadragon
Texts on this page
D288 - mdo chen po sgyu ma'i dra ba zhes bya ba