rKTs

e-texts navigator

Volume

Page

56b₁ gsum mnga' ste/ chos kyi sku dang / longs spyod rdzogs pa'i sku dang / sprul pa'i sku'o/ /rigs kyi bu de bzhin gshegs pa'i sku gsum ni rang bzhin rnam par dag pa ni chos kyi sku'o/ /ting nge 'dzin rnam par dag pa ni longs spyod rdzogs pa'i sku'o/ /spyod pa rnam
56b₂ par dag pa ni sangs rgyas thams cad kyi sprul pa'i sku'o/ /rigs kyi bu de bzhin gshegs pa'i chos kyi sku ni nam mkha' ltar rang bzhin med pa'i don no/ /longs spyod rdzogs pa'i sku ni sprin ltar 'byung ba'i don no/ /sprul pa'i sku ni sangs rgyas thams cad kyi phrin las
56b₃ te/ char ba lta bu ste thams cad bangs pa'i don no/ /bcom ldan 'das la byang chub sems dpa' sa'i snying pos 'di skad ces gsol to/ /bcom ldan 'das kyi sku gsum gyi bshad pa ji ltar blta bar bgyi/ bcom ldan 'das kyis byang chub sems dpa' sa'i snying
56b₄ po la bka' stsal pa/ rigs kyi bu de bzhin gshegs pa'i sku gsum ni 'di ltar blta bar bya'o/ /chos kyi sku ni de bzhin gshegs pa'i ngo gang la blta bar bya'o/ /longs spyod rdzogs pa'i sku ni byang chub sems dpa'i ngo gang la blta bar bya'o/ /sprul pa'i sku ni mos
56b₅ pas spyod pa'i so so skye bo'i ngo gang la blta bar bya'o/ /rigs kyi bu chos kyi sku ni sangs rgyas thams cad dang rang bzhin 'thun par gnas so/ /longs spyod rdzogs pa'i sku ni sangs rgyas thams cad dang ting nge 'dzin 'thun par gnas so/ /sprul pa'i sku ni sangs rgyas thams cad dang
56b₆ phrin las 'thun par gnas so/ /rigs kyi bu kun gzhi gnas su dag pa ni me long lta bu'i ye shes te chos kyi sku'o/ /nyon mongs pa'i yid gnas su dag pa ni mnyam pa nyid kyi ye shes so/ /yid kyi rnam par shes pa gnas su dag pa ni so sor kun du rtog pa'i ye shes te/ longs spyod
56b₇ rdzogs pa'i sku'o/ /sgo lnga'i rnam par shes pa gnas su dag pa ni bya ba grub pa'i ye shes te sprul pa'i sku'o/ /de nas byang chub sems dpa' sa'i snying pos bcom ldan 'das la 'di skad ces gsol to/ /bcom ldan 'das bdag gis bcom ldan 'das la dam pa'i chos thos pa ni

_{iiif viewer powered by OpenSeadragon}

56a - 57a

Texts on this page