| e-texts navigator |
| བོད་ཡིག |
54a1 phyir ro/ /nub mo srod la nyal na yang khyod kyis mtshan 'di dag bsam par bya'o/ /ldang ba na yang bsam par bya'o/ /'jig rten gyi bya ba gang ci yang rung ba dag rtsom pa dag na yang thams cad la mtshan 'di dag bsams nas de'i 'og tu brtsams na der
54a2 yang khyed la 'phel ba nyid du 'gyur gyi 'grib par ni ma yin par shes par bya ste/ 'dis khyod gnas par gyis shig /de nas lits+tsha bI'i bu rtsal rab kyis bstan pa 'di thos nas tshim zhing mgu la yi rangs te/ rab tu dga' nas dga' ba dang / yid bde ba skyes te/ de bzhin
54a3 gshegs pa rnams kyi mtshan 'di dag yongs su rjod cing rin po che sna bdun gyi me tog brgyad stong gis bcom ldan 'das la mngon par gtor te bskor ba yang byas nas/ de bzhin gshegs pa'i mtshan yongs su brjod pa bkra shis brgyad pa'i chos kyi rnam grangs 'di bzung ste bcom
54a4 ldan 'das kyi thad nas song ngo / /de nas lha rnams kyi dbang po brgya byin 'khor de nyid du 'dus par gyur nas 'dug pa des bcom ldan 'das la phyag 'tshal nas/ bcom ldan 'das la 'di skad ces gsol to/ /bcom ldan 'das bdag gis kyang de bzhin gshegs pa'i
54a5 mtshan yongs su brjod pa bkra shis brgyad pa'i chos kyi rnam grangs 'di nyams su blangs lags so/ /bcom ldan 'das kyis bka' stsal pa/ kau shi ka de'i phyir khyod kyis lha dang / lha ma yin g.yul 'gyed pa na chos kyi rnam grangs 'di yongs su brjod par bya'o/ /
54a6 yongs su brjod pa na lha'i dbang po khyod rgyal bar 'gyur ro/ /de ci'i phyir zhe na/ de bzhin gshegs pa'i mtshan yongs su brjod pa gang yin pa 'di ni/ bde zhing 'jigs pa med par yongs su brjod pa yin pa'i phyir ro/ /mtshan yongs su brjod pa gang yin pa 'di ni kun nas
54a7 ldang ba med par yongs su brjod pa yin pa'i phyir ro/ /de bzhin gshegs pa'i mtshan yongs su brjod pa gang yin pa 'di ni yang dag pa'i mtshan yongs su brjod pa yin pa'i phyir ro/ /de bzhin gshegs pa'i mtshan yongs su brjod pa gang yin pa 'di ni g.yul thams cad las
iiif viewer powered by OpenSeadragon
Texts on this page
D278 - 'phags pa bkra shis brgyad pa zhes bya ba theg pa chen po'i mdo