| e-texts navigator |
| བོད་ཡིག |
53a1 mra srung ba'i tshal na bzhugs so/ /de nas lits+tsha bI'i bu rtsal rab bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das de
53a2 bzhin gshegs pa dgra bcom pa yang dag par rdzogs pa'i sangs rgyas gang la la sngon gyi smon lam phun sum tshogs pa dag bzhugs pa bcom ldan 'das gang dag thos na/ bdag gis spyi bos bkur zhing gang dag bdag gis spyi bos bkur bas mi'am mi ma lags pa las
53a3 'jigs pa'am/ gtse ba 'byung bar mi 'gyur ba dang / bcom ldan 'das bdag rgyal po'i pho brang du mchis te/ smra brjod pa na ci nas gang gis kyang smra ba la zlog pa mi bgyid cing zil gyis mi non pa dang / mtshan de dag nyid bdag 'dzin na/ gnyid kyis log na yang
53a4 sdig pa'i rmi lam rmi bar mi 'gyur ba dang / bdag mtshon cha gzas pa'i g.yul gyi nang du zhugs na yang lus la mtshon cha rnams phog par mi 'gyur la/ de las bde bar thar bar yang 'gyur ba de dag bcom ldan 'das de bzhin gshegs pa dgra bcom pa yang dag par rdzogs
53a5 pa'i sangs rgyas kyis yongs su bstan du gsol/ de skad ces gsol nas/ bcom ldan 'das kyis lits+tsha bI'i bu rtsal rab la 'di skad ces bka' stsal to/ /rtsal rab shar phyogs na 'jig rten gyi khams grags ldan zhes bya ba yod de/ de na de bzhin gshegs pa dgra
53a6 bcom pa yang dag par rdzogs pa'i sangs rgyas sgron ma'i rgyal po zhes bya ba bzhugs so/ /rtsal rab shar phyogs na 'jig rten gyi khams skyo ba med pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rtsal brtan don grub dgongs
53a7 pa zhes bya ba bzhugs so/ /rtsal rab shar phyogs na 'jig rten gyi khams bde ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun la dgongs pa rgya cher grags pa can zhes bya ba bzhugs so/ /rtsal rab shar
iiif viewer powered by OpenSeadragon
Texts on this page
D278 - 'phags pa bkra shis brgyad pa zhes bya ba theg pa chen po'i mdo