| e-texts navigator |
| བོད་ཡིག |
51b1 kyi bu'am rigs kyi bu mo theg pa chen po la yang dag par zhugs pa gang la la zhig gis/ de bzhin gshegs pa dgra bcom pa yang dag par rdzogs pa'i sangs rgyas de dag gi mtshan brjod de/ nub mo srod la nyal na de bde bar gnyid kyis log par 'gyur/ bde bar sad
51b2 par 'gyur zhing sdig pa can gyi rmi lam rmi bar mi 'gyur te/ de gnyid kyis log pa na yang lha rnams bsrung bar 'gyur ro/ /shA ri'i bu rigs kyi bu'am/ rigs kyi bu mo theg pa chen po la yang dag par zhugs pa gang la la zhig gis de bzhin gshegs pa dgra bcom pa yang
51b3 dag par rdzogs pa'i sangs rgyas de dag gi mtshan brjod nas mtshan mo tho rangs 'jig rten pa'i bya ba rnams rtsol na 'phel ba nyid du 'gyur gyi 'grib par mi 'gyur ro/ /shA ri'i bu rigs kyi bu'am/ rigs kyi bu mo theg pa chen po la yang dag par zhugs pa gang la la zhig /de bzhin
51b4 gshegs pa dgra bcom pa yang dag par rdzogs pa'i sangs rgyas de dag gi mtshan thos nas len cing 'dzin la klog cing kun chub par byed de/ 'jug par byed cing gzhan dag la yang rgya cher yang dag par rab tu ston na/ de 'di nas bzung ste/ byang chub kyi bar du nam yang mngon par shes
51b5 pa dang bral bar mi 'gyur/ nam yang gzungs dang bral bar mi 'gyur/ nam yang dbang po ma tshang bar mi 'gyur/ nam yang mtshan dang bral bar mi 'gyur/ nam yang shes rab shin tu rgyas pa dang bral bar mi 'gyur/ nam yang sangs rgyas dang / byang chub sems dpa' dang /
51b6 rang sangs rgyas dang / nyan thos dang bral bar mi 'gyur ro/ /de 'di nas bzung ste/ byang chub kyi bar du nam yang shes rab phun sum tshogs pa shin tu rgyas pa dang bral bar mi 'gyur ro/ /bcom ldan 'das kyis de skad ces bka' stsal te/ bde bar gshegs pas de skad
51b7 gsungs nas/ ston pas gzhan yang 'di skad ces bka' stsal to/ /'jig rten mgon po 'di dag gi /mtshan rnams mi gang 'dzin byed pa/ /de ni ngan 'gro kun zlog nas/ /ring po mi thogs bde 'gror 'gro/ /rdzogs pa'i sangs rgyas mnyes par byed/ /de
iiif viewer powered by OpenSeadragon
Texts on this page
D277 - 'phags pa dkyil 'khor brgyad pa zhes bya ba theg pa chen po'i mdo