rKTs

e-texts navigator

Volume

Page

49a₁ mi bya ste/ /byang chub rab mchog gi ni lam gsum pa'o/ /snying rje can gyis nges par skye bo la/ /zang zing med par rtag tu chos sbyin zhing / /lhag pa'i bsam pa yis ni snying brtse ba/ /de bzhin mkhas pas spyod pa'i lam bzhi pa'o/ /rigs
49a₂ kyi bu gzhan yang byang chub sems dpa' sems dpa' chen po gzungs la sbyor bar byas pas ni dgon pa la bsten par bya/ chos nyan du 'gro bar bya/ gos gtsang ma dag bcang bar bya/ gcig pu gnas par bya/ spyod lam bzhis gnas par bya/ chos smra ba rnams
49a₃ la sna tshogs sbyin pa bsgrub pa'i bsam pa la sbyor ba dang mos par bya/ dkon mchog gsum la gus pa dang bcas par bya/ gzhan gyi dbang du mi 'gyur bar bya/ yongs su mi skyo ba dang / rtag tu brtson 'grus brtsams pa dang / g.yo med pa dang / sangs rgyas rjes su
49a₄ dran pa dang ma bral ba dang / mi dmigs pa dang / mtshan ma med pa legs par bsgom pa dang / ji skad smras pa de bzhin du byed par bya/ sangs rgyas la gsol ba gdab par mos par bya/ nyes pa bshags pa dang / rjes su yi rang ba dang / yongs su bsngo ba la
49a₅ mkhas par bya/ ma brtags pa'i spyod lam du mi bya/ mi skrag pa dang / ston pa dang / bla ma la gnas bca' bas gnas par bya'o/ /'thun par 'dzin par bya'o/ /chos de dag la yongs su mi skyo bas bsten par bya'o/ /bcom ldan 'das kyis chos kyi rnam grangs
49a₆ 'di bshad pa na srog chags sum khri ni sngon sems ma bskyed pa las byang chub tu sems skyes so/ /srog chags lnga stong ni chos rnams la chos kyi mig rdul med cing dri ma dang bral ba rnam par dag go/ /byang chub sems dpa' sum khri ni mi skye ba'i chos la bzod pa skyes so/ /
49a₇ chos kyi rnam grangs 'di thos pa ni byang chub sems dpa' sems dpa' chen po gces spras byed pa'o/ /gang gis bskal pa gang gA'i klung gi bye ma snyed du stong gsum gyi stong chen po'i 'jig rten gyi khams rin po che sna bdun gyis bkang nas/ dkon mchog gsum la sbyin pa byin

_{iiif viewer powered by OpenSeadragon}

48b - 49b

Texts on this page