rKTs

e-texts navigator

Volume

Page

48a₁ po bag tsha ba med par gnas pas 'di skad ces gsol to/ /bcom ldan 'das byang chub sems dpa' de dag gi las kyi sgrib pa de gang gis rnam par dag par 'gyur ba'i rnam grangs 'ga' zhig mchis lags sam/ bka' stsal pa/ yod de/ bag
48a₂ tsha ba med par gnas pa gal te/ rigs kyi bu de dag rab tu byung nas gzungs sngags kyi gzhi 'di dag zlos par byed na'o/ /s+yAd ya the dan/ ats+tsha/ ats+tsha ba ti/ a nA bi le/ a kle She/ a kr-i te/ a nA yU he/ a be/ a pa ra dzi te/ b+ha ba tu/ aM
48a₃ ga ma/ yu tA dz+nyA ba/ pra k+Shi pe/ ni rga te/ u gra he/ hu hu me/ tsa ba le/ sa de/ sa me/ sa ma de/ yo ti/ na yo/ pa ri sho d+hi/ rigs kyi bu'am rigs kyi bu mo de dag gis gzungs sngags kyi gzhi 'di dag bzlas la/ zhag bdun du 'dzin pa med pa dang / 'jog pa med pa dang /
48a₄ gzugs med pa dang / rnam par rtog pa med pa dang / rab tu dang ba med pa dang / yun ring du 'gro ba med pa dang / byed pa med pa dang / gos pa med pa dang / mnyam pa'i sems dang bral ba dang / phung po lnga dang bral ba dang / mi bzod pa med
48a₅ pa'i tshul gyis sangs rgyas rjes su dran pa'i ting nge 'dzin bsgom par bya dgos te/ de ni de dag phyogs bcu'i sangs rgyas stong gi zhal mthong bar byed pa dang / nyes pa 'chags su 'jug par byed pa'o/ /de nas rigs kyi bu de dag gis rab tu byung ste/ gsang sngags kyi gzhi 'di dag
48a₆ bzlas nas zhag bdun du brtson par 'dzin pa med pa la sogs pas sangs rgyas rjes su dran pa'i ting nge 'dzin bsgoms te/ sangs rgyas stong yang mthong ngo / /las kyi sgrib pa de yang bshags so/ /de nyid kyi tshe thams cad sgrub pa'i ye shes kyi sgo zhes bya ba'i gzungs kyang thob bo/ /
48a₇ 'khor ba las bskal pa sum cu yang phyir bsnyil lo/ /bla na med pa yang dag par rdzogs pa'i byang chub las kyang phyir mi ldog par gyur to/ /bag tsha ba med par gnas pa de la gang rgyal po zla bas byin zhes bya ba gang gis chos smra ba de la mchod pa byas par gyur pa de ni de bzhin gshegs

_{iiif viewer powered by OpenSeadragon}

47b - 48b

Texts on this page