rKTs

e-texts navigator

Volume

Page

47b₁ ro/ /rigs kyi bu de bzhin du byang chub sems dpa' sems dpa' chen po rtsed mo dang / dga' ba thams cad nyams su myong bar byed kyang srid pa gsum du 'dod pa dang / nyon mongs pa dang / sdug bsngal rnams kyis zil gyis mi non par brjod par bya'o/ /rigs kyi bu
47b₂ 'di lta ste dper na/ sems can gyi ris nya ba zhes bya ba yod de/ de ni chu la spyod chu la blta yang der 'chi ba'i dus byed par mi 'gyur ro/ /rigs kyi bu de bzhin du byang chub sems dpa' sems dpa' chen po 'khor ba na spyod kyang de nyid du byis pa'i spyod pa la gnas nas ye shes
47b₃ kyi spyod pa tshol lo/ /chos yang dag par blangs pas kyang rmongs par mi 'gyur ro/ /byis pa dang lhan cig tu gnas pas srid pa gsum gyi sdug bsngal nyams su myong bar yang mi 'gyur ro/ /de bas na byang chub sems dpa' sems dpa' chen pos bdag bsrung bar
47b₄ bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /bde bar gshegs pa gang zhig mchod bya dang / /de la gang zhig phyag kyang 'tshal 'dod pa/ /des 'dir bde gshegs sras rnams mchod par bya/ /'di ni rgyal ba rnams
47b₅ la mchod pa mchog / nga yi gos dang lhung bzed gding ba dang / /mal cha dang ni 'chag sa gang yin pa/ /gang dag byang chub don du brtson byed pa/ /de dag la ni nga yis gnang ba yin/ /'di ltar mi mchog sangs rgyas thams cad kyang / /de las nges par shin
47b₆ tu byung ba'i phyir/ /sangs rgyas rnams la ji ltar mchod bya ba/ /de bzhin de dag la yang mchod par bya/ /de dang de dag mgon dang mkhas pa ste/ /long ba rnams la mig kyang sbyin par byed/ /lam la rmongs pa rnams kyi ston pa ste/ /'chi ba med pa'i phyogs su 'dren
47b₇ pa yin/ /gal te sems can rnams kyis de dag la/ /rtag tu dga' bas longs spyod kun byin yang / /de dag rnams kyi dang po'i sems brten pa/ /de la'ang lan glan byas par mi 'gyur ro/ /de nas bcom ldan 'das la byang chub sems dpa' sems dpa' chen

_{iiif viewer powered by OpenSeadragon}

47a - 48a

Texts on this page