rKTs

e-texts navigator

Volume

Page

47a₁ par byed na/ bsod nams ma yin pa 'di la bsod nams ma yin pa snga ma des brgya'i char yang nye bar mi 'gro/ stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i
47a₂ phyir zhe na/ gang chos smra ba la skur pa 'debs pa des ni sangs rgyas la skur pa btab par 'gyur ba'i phyir ro/ /sangs rgyas la bsnyen bkur bya bar 'dod pas chos smra ba la bsnyen bkur bya'o/ /sangs rgyas la mchod par 'dod pas chos smra ba la mchod par bya'o/ /
47a₃ sangs rgyas la phyag 'tshal bar 'dod pas chos smra ba la phyag bya'o/ /de ci'i phyir zhe na/ thams cad mkhyen pa nyid ni byang chub sems dpa' las byung ba'i phyir dang / sangs rgyas bcom ldan 'das rnams byang chub sems dpa' las byung ba'i phyir ro/ /gang las
47a₄ brten te byang chub sems dpa'i byang chub tu sems skyes pa de las brten nas de ni nyon mongs pa rnams kyi 'dod pa'i longs spyod la gnas par brjod par mi bya/ de ni nam du yang tshangs par spyod pa la mi gnas par brjod par mi bya/ de ni gzugs med pa'i ting nge 'dzin la snyoms
47a₅ par zhugs kyang gzugs med par nye bar 'gro bar brjod par mi bya'o/ /de ci'i phyir zhe na/ byang chub sems dpa' de ni nyon mongs pa'i dbang gis mi skye ste/ byang chub sems dpa' ni smon lam gyi dbang gis skye ba'i phyir ro/ /de ni byis pa'i spyod pa thams cad las grol ba'o/ /
47a₆ gang byang chub sems dpa'i nyon mongs pa rnams ston par 'dod pa des ni nam mkha'i khams kyi gzugs bstan par 'dod du zad do/ /rigs kyi bu 'di lta ste dper na/ klu thams cad klu nyid du spyir song ba yin pas klu'i rgyal po ma dros pa ni klu'i bgrang bar yang 'gro la klu'i nyes pa
47a₇ gsum gyis kyang gos par mi 'gyur ro/ /gsum gang zhe na/ mgo la bye tshan mi 'bab pa dang / skyo ba po'i lus dang lhan cig tu kun du mi gnas pa dang / de la nam mkha' lding gi 'jigs pa mi 'byung ba ste/ rigs kyi bu klu'i skyon gsum po de dag gis gos par mi 'gyur

_{iiif viewer powered by OpenSeadragon}

46b - 47b

Texts on this page