rKTs

e-texts navigator

Volume

Page

46b₁ spobs pa brtsegs pa de chos kyi stan la 'dug pa la sangs rgyas lnga stong spobs pa sgrub par mdzad de/ lha dung phyur phrag brgyad kyang lus yongs su sbyang ba'i phyir brtson par gyur to/ /de'i chos bshad pa gcig gis srog chags bdun khri bla na med pa yang dag par rdzogs pa'i byang
46b₂ chub las phyir mi ldog par gyur to/ /srog chags khri ni rgyun du zhugs pa'i 'bras bu thob bo/ /rigs kyi bu de'i tshe rgyal po zla bas byin pa zhes bya ba zhig byung ngo / /des chos la gus pas chos smra ba de la mchod pa'i phyir bud med lnga brgya dang glu dbyangs dang rol mo byas so/ /
46b₃ dge slong de la rin po che'i me tog sna tshogs kyis kyang mngon par gtor te/ tsan dan gyi byug pas kyang byugs so/ /ras bcos bu lnga brgyas kyang bkab bo/ /bde ba'i rim gro thams cad kyis mchod pa 'di lta ste/ chos smra ba la mchod pa'i mchod pa mchog gis zhag bdun
46b₄ du rim gro byas so/ /de nas dge slong de la khyim bdag gi bu de dag gis 'chal pa'i tshul khrims kyis glengs so/ /las de'i rnam par smin pas de dag lo dgu khrir sems can dmyal ba rnams su skyes so/ /tshe rabs lnga brgya lnga brgyar ni mi rnams kyi nang du za ma dang / kla klo
46b₅ dang / log par lta ba'i khyim rnams su skyes so/ /tshe rabs drug brgyar ni dmus long dang lce med par gyur to/ /tshe rabs bdun brgyar ni rab tu byung nas ji srid 'tsho'i mthar thug gi bar du gzungs ma thob par 'chi ba'i dus byas te/ las kyi sgrib pa de nyid kyis rigs kyi
46b₆ bu de dag bsgribs so/ /rigs kyi bu de lta bas na khyod mos par bya'o/ /khyod kyi khong du chud par bya'o/ /chos kyi rnam grangs 'di thos nas chos smra ba la mngon sum du mthong yang 'chal pa'i tshul khrims kyis brjod par mi bya na thos pa lta ci smos/ rigs kyi bu gang zhig
46b₇ sems can thams cad kyi mig 'byin par byed pa bas ni gang zhig chos smra ba la gshe ba'i bsam pas lta bar byed na/ de ni de bas ches kha na ma tho ba'i las che ba yin no/ /gang zhig sems can thams cad 'ching bar byed la/ gang zhig chos smra ba mthong na rgyab kyis phyogs te 'dug

_{iiif viewer powered by OpenSeadragon}

46a - 47a

Texts on this page