| e-texts navigator |
| བོད་ཡིག |
46a1 byang chub lam/ /'phags pa de ni rab tu bshad du gsol/ /legs gsal legs byung legs 'brel gsung ba bo/ /srid sel srid 'gro rnam 'joms lhur mdzad pa/ /dge sbyong bzang po smra mchog yid gnyis sel/ /rgyal ba bde
46a2 gshegs dri med spyod kun gsungs/ /sngon gyi srid brgyar legs spyad yon tan dge/ /'gro ba phan bder bsngo la brtson pa po/ /rin chen glang po rta spangs yun kyang ring / /bud med tshogs dang bu yang spangs mdzad pa/ /bzod dang dul dgyes tshul khrims yon tan
46a3 gzhol/ /blo gros dgyes gzhol brtul zhugs dka' thub brtsams/ /yon tan tshol bas sdug bsngal brgya bzod pa/ /rgyal ba khyod kyis de brnyes yid gnyis bral/ /spyod la mkhas pa yid gnyis rnam spangs pa/ /skyon tshogs dri ma gsum gyi tha ba bral/ /'gro
46a4 ba thams cad du yang rab gshegs pa/ /mgon po byang chub mchog gi tshul bshad gsol/ /de nas bcom ldan 'das kyis byang chub sems dpa' sems dpa' chen po bag tsha ba med par gnas pa la 'di skad ces bka' stsal to/ /rigs kyi bu byang chub sems dpa' bcu
46a5 po 'di dag thams cad kyis ni sangs rgyas mi spang ba byas so/ /gsol pa/ bcom ldan 'das sangs rgyas mi spang ba zhes bgyi ba de gang lags/ bka' stsal pa/ rigs kyi bu sngon byung ba 'das pa'i dus na bskal pa sum cu 'das pa de'i tshe de'i dus na 'jig rten gyi khams smig
46a6 rgyu can du de bzhin gshegs pa rnam par gzigs pa'i nga ro zhes bya ba byung bar gyur pa de'i tshe de bzhin gshegs pa de yongs su mya ngan las 'das pa'i phyi ma'i dus phyi ma'i tshe na rigs kyi bu bcu po 'di dag khyim bdag shing sA la chen po lta bu'i gzhon nur gyur to/ /de'i tshe rigs kyi
46a7 bu bcu po de dag thams cad kyis gtsug lag khang lnga brgya byed du bcug go/ /gtsug lag khang re rer yang dge slong stong stong gnas par gyur to/ /rigs kyi bu de'i tshe chos smra ba spobs pa brtsegs pa zhes bya ba gzungs thob pa zhig chos ston to/ /rigs kyi bu chos smra ba
iiif viewer powered by OpenSeadragon
Texts on this page
D276 - 'phags pa sangs rgyas mi spang pa zhes bya ba theg pa chen po'i mdo