| e-texts navigator |
| བོད་ཡིག |
45b1 kyang 'khor de nyid du 'ongs so/ /de nas byang chub sems dpa' sems dpa' chen po bag tsha ba med par gnas pa stan las langs te/ chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba
45b2 btud nas/ bcom ldan 'das la 'di skad ces gsol to/ /bcom ldan 'das rigs kyi bu bcu po 'di dag ni dgung lo bdun du gzungs kyi don la brtson par gyur na de dag bsam pa ma grub cing bstan pa 'di las slar mchis pa khyim na gnas par g.yar gyis blangs pa lags
45b3 na/ de'i slad du bcom ldan 'das kyis rigs kyi bu de dag la ci nas myur ba kho nar ye shes thob par 'gyur ba de ltar legs par lung dbog par mdzad du gsol/ de nas bcom ldan 'das kyis byang chub sems dpa' sems dpa' chen po bag tsha ba med par gnas pa la
45b4 'di skad ces bka' stsal to/ /rigs kyi bu 'di ltar de dag gis sangs rgyas mi spang ba zhes bya ba'i chos kyi rnam grangs 'di ma thos la/ sangs rgyas spong ba ni rjes su thob ste/ des na rigs kyi bu de dag myur du shes pa 'di la ma skyes so/ /de nas bcom ldan 'das
45b5 la byang chub sems dpa' sems dpa' chen po bag tsha ba med par gnas pas tshigs su bcad pa 'di dag gis zhus so/ /chos kyi rgyal po 'od mdzad pa/ /mi yi nyi ma khyod la zhu/ /byang chub sems dpa'i las spyod pa/ /spyod pa gang lags de bstan gsol/ /
45b6 dpag med khyab par 'phags pa'i blo grags pa/ /sangs rgyas thogs med stobs bcu mtshungs ma mchis/ /srid gsum 'byung ba rnam grol spros mi mnga'/ /sangs rgyas byang chub spyod pa dri med gsungs/ /dpag med ye shes mnga' ba khyod la zhu/ /yid gnyis
45b7 gcod par mdzad pa khyod la zhu/ /bcom ldan mtshungs pa mi mnga' khyod la zhu/ /byang chub sems dpa'i spyod pa'i tshul gang lags/ /rgyal ba bdud thul bde gshegs gang gis na/ /nyon mongs kun las rnam par grol bar 'gyur/ /thugs rjes nyon mongs thul la
iiif viewer powered by OpenSeadragon
Texts on this page
D276 - 'phags pa sangs rgyas mi spang pa zhes bya ba theg pa chen po'i mdo