| e-texts navigator |
| བོད་ཡིག |
40b1 'jig rten gyi chos bde ba dang sdug bsngal ro gcig pa mnyam pa nyid yongs su grub pa las dang / yon tan shin tu bskyed pa mnyam pa nyid yongs su grub pa las so/ /shin tu 'dus so sor rtog pa'i ye shes ni 'di lta ste dper na/ 'jig rten gyi khams ni sems can gyi
40b2 khams kyi gnas yin no/ /de bzhin du de bzhin gshegs pa rnams kyi so sor rtog pa'i ye shes kyang ting nge 'dzin dang / gzungs kyi sgo dang / so so yang dag par rig pa dang / spobs pa dang / bstan pa dang / sangs rgyas kyi chos thams cad kyi gnas yin no/ /shin
40b3 tu 'dus 'di lta ste dper na/ 'jig rten gyi khams ni sems can rnams kyi rnam par rig pa rnam pa sna tshogs can cig car 'byung ba'i rgyu yin no/ /de bzhin du de bzhin gshegs pa rnams kyi so sor rtog pa'i ye shes kyang shes bya thams cad la thogs pa med pa'i ye shes kyi rnam
40b4 par rig pa rnam pa sna tshogs can cig car 'jug pa'i rgyu yin no/ /shin tu 'dus 'di lta ste dper na/ 'jig rten gyi khams ni kun dga' ra ba dang / nags tshal dang / rdzing bu nyams dga' ba rnam pa sna tshogs pa dag gis lam me thal le lhang nge'o/ /de bzhin du
40b5 de bzhin gshegs pa rnams kyi so sor rtog pa'i ye shes kyang pha rol tu phyin pa dang / byang chub kyi phyogs dang 'thun pa'i chos dang / stobs dang / mi 'jigs pa dang / sangs rgyas kyi chos ma 'dres pa rnams kyis rnam pa sna tshogs nyams dga' ba dag gis lam me thal le
40b6 lhang nge'o/ /shin tu 'dus 'di lta ste dper na/ 'jig rten gyi khams ni 'di lta ste/ gling dang / zla ba dang / nyi ma dang / rgyal chen bzhi'i ris dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang
40b7 byed dang / tshangs ris la sogs pas shin tu rnam par phye ba'i rnam pa yin no/ /de bzhin du de bzhin gshegs pa rnams kyi so sor rtog pa'i ye shes kyang 'di lta ste/ 'jig rten pa dang / 'jig rten las 'das pa'i phun sum tshogs pa dang / rgud pa dang / rgyu dang 'bras bur
iiif viewer powered by OpenSeadragon
Texts on this page
D275 - 'phags pa sangs rgyas kyi sa zhes bya ba theg pa chen po'i mdo