| e-texts navigator |
| བོད་ཡིག |
38b1 ba'i ye shes mthong ba'i phung po dag snang yang chos kyi dbyings rnam par dag pa ni de dag gi mtshan nyid ma yin no/ /shin tu 'dus 'di lta ste dper na/ nam mkha' la rgyu dang rkyen gzhan dang gzhan 'dus pa'i stong gsum gyi stong chen po'i 'jig rten gyi khams kyi dkyil 'khor dpag
38b2 tu med pa dag snang yang de la nam mkha' ni rtsol ba yang med/ mngon par 'du byed pa yang med do/ /de bzhin du de bzhin gshegs pa rnams kyi chos kyi dbyings rnam par dag pa la sangs rgyas kyi 'khor gyi dkyil 'khor rnam pa thams cad phun sum tshogs pa dpag tu med pa
38b3 dag snang yang chos kyi dbyings rnam par dag pa la ni rtsol ba yang med/ mngon par 'du byed pa yang med do/ /shin tu 'dus me long lta bu'i ye shes ni 'di lta ste dper na/ me long gi dkyil 'khor la rten nas gzugs brnyan dag snang ngo / /de bzhin du de bzhin gshegs pa
38b4 rnams kyi me long lta bu'i ye shes kyi dkyil 'khor la rten nas skye mched dang de'i yul la rnam par shes pa'i gzugs brnyan dag snang ngo / /de bas na me long gi dkyil 'khor dang / me long lta bu'i ye shes kyi dkyil 'khor mnyam pas mnyam pa ste/ des na me long lta bu'i
38b5 ye shes de me long lta bu'i ye shes zhes bya'o/ /de lta bas na me long gi dkyil 'khor ni de'i dper rig par bya'o/ /shin tu 'dus 'di lta ste dper na/ mi bsod nams 'dod pa la la zhig gis skye bo phal po che ji snyed 'ongs shing lhags pa dag rang gi lus kyi skyon dang yon tan
38b6 la so sor rtog par bya ba'i phyir me long gi dkyil 'khor chen po gnas bzang por mi 'gul bar bzhag na/ skyon sel cing yon tan skyed par 'gyur ro/ /de bzhin du de bzhin gshegs pa rnams kyi me long lta bu'i ye shes kyi dkyil 'khor yang sems can dpag tu med grangs med pa ji
38b7 snyed pa dag kun nas nyon mongs pa dang rnam par byang ba la so sor rtog par bya ba'i phyir rgyun mi 'chad pas mi g.yo bar chos kyi dbyings rnam par dag pa'i gnas su bzhag na kun nas nyon mongs pa dang / rnam par byang ba sel ba dang / skyed par 'gyur ba'i phyir ro/ /shin tu 'dus 'di
iiif viewer powered by OpenSeadragon
Texts on this page
D275 - 'phags pa sangs rgyas kyi sa zhes bya ba theg pa chen po'i mdo