rKTs

e-texts navigator

Volume

Page

38a₁ 'gul ba med do/ /de bzhin du chos kyi dbyings rnam par dag pa mtha' thug pa med pa'i phyir de bzhin gshegs pa rnams kyi chos kyi dbyings rnam par dag pa la phyogs bcu dag na sems can thams cad la phan pa dang / bde ba so sor nye bar gnas par bya ba
38a₂ dag mtha' yas mu med kyang chos kyi dbyings rnam par dag pa ni 'gro ba'am/ 'ong ba'am/ g.yo ba'am/ 'gul ba med do/ /shin tu 'dus 'di lta ste dper na/ nam mkha' la stong gsum gyi stong chen po 'jig pa dag kyang snang / 'chags pa dag kyang snang yang nam
38a₃ mkha' ni 'jig pa yang ma yin/ 'chags pa yang ma yin no/ /de bzhin du de bzhin gshegs pa rnams kyi chos kyi dbyings rnam par dag pa la rnam pa thams cad mngon par rdzogs par byang chub pa dang / yongs su mya ngan las 'das pa dpag tu med pa dag snang yang chos kyi
38a₄ dbyings rnam par dag pa la mngon par rdzogs par 'tshang rgya ba yang med/ yongs su mya ngan las 'da' ba yang med do/ /shin tu 'dus 'di lta ste dper na/ nam mkha' la rten pa gzugs su gyur pa dag la snang ba dang / 'drul ba dang / 'tshig pa dang / skam pa dang /
38a₅ 'gyur ba rnam pa sna tshogs snang yang nam mkha' la ni de dag gis 'gyur ba yang med/ yongs su skyo ba yang med do/ /de bzhin du de bzhin gshegs pa rnams kyi chos kyi dbyings rnam par dag pa la rten pa'i sems can gyi khams la bslab pa dang / lus dang / ngag dang yid kyi las
38a₆ log par grub pa rnam pa mang po snang yang chos kyi dbyings rnam par dag pa ni de dag gis 'gyur ba yang med/ yongs su skyo ba yang med do/ /shin tu 'dus 'di lta ste dper na/ nam mkha' la rten pa'i sa chen po yang snang / ri chen po dang / me dang / snang ba dang / bya rgyu ba
38a₇ dag dang / nyi ma dang / zla ba rgyu ba dag kyang snang yang nam mkha' ni de dag gi mtshan nyid ma yin no/ /de bzhin du de bzhin gshegs pa rnams kyi chos kyi dbyings rnam par dag pa la tshul khrims dang / ting nge 'dzin dang / shes rab dang / rnam par grol ba dang / rnam par grol

_{iiif viewer powered by OpenSeadragon}

37b - 38b

Texts on this page