| e-texts navigator |
| བོད་ཡིག |
37a1 ba chen po/ spyod lam rab tu zhi ba/ phun sum tshogs pa/ bzod pa dang des pa chen po dang ldan pa/ de bzhin gshegs pa'i bka' la shin tu zhugs pa sha stag dang / byang chub sems dpa' shin tu 'dus pa la sogs pa sangs rgyas kyi zhing tha dad pa
37a2 nas 'dus pa'i byang chub sems dpa' sems dpa' chen po dpag tu med pa thams cad kyang gnas chen po la yang dag par zhugs pa/ theg pa chen po'i chos kyis nges par byung ba/ sems can thams cad la sems mnyam pa/ bskal pa dang bskal pa ma yin par
37a3 rnam par rtog pa thams cad dang bral ba/ bdud phyir rgol ba thams cad nges par bcom pa/ nyan thos dang rang sangs rgyas kyi yid la byed pa thams cad las ring du gyur pa/ chos chen po'i ro'i dga' ba dang bde bas nye bar brtan pa/ 'jigs pa lnga las yang dag par
37a4 'das pa/ phyir mi ldog pa'i sa bgrod pa gcig par gyur pa can/ sems can thams cad kyi gnod pa thams cad rab tu zhi bar byed pa'i sa mngon du gyur pa sha stag dang thabs cig go/ /de nas bcom ldan 'das kyis byang chub sems dpa' shin tu 'dus la bka'
37a5 stsal pa/ shin tu 'dus sangs rgyas kyi sa ni chos lngas bsdus pa yin te/ lnga gang zhe na/ 'di lta ste/ chos kyi dbyings rnam par dag pa dang / me long lta bu'i ye shes dang / mnyam pa nyid kyi ye shes dang / so sor rtog pa'i ye shes dang / bya ba sgrub pa'i ye shes
37a6 kyis so/ /shin tu 'dus de la chos kyi dbyings rnam par dag pa ni 'di lta ste dper na/ nam mkha' ni gzugs su gyur pa sna tshogs kyi rnam pa thams cad na kun na yod kyang des brjod par bya ba yang ma yin sna tshogs kyang ma yin te ro gcig go/ /de bzhin du de bzhin gshegs pa
37a7 rnams kyi chos kyi dbyings rnam par dag pa yang shes bya sna tshogs kyi rnam pa thams cad la kun na yod kyang des brjod par bya ba yang ma yin sna tshogs kyang ma yin te ro gcig go/ /shin tu 'dus 'di lta ste dper na/ nam mkha' ni gzugs su gyur pa thams cad tha mi dad par zhugs kyang
iiif viewer powered by OpenSeadragon
Texts on this page
D275 - 'phags pa sangs rgyas kyi sa zhes bya ba theg pa chen po'i mdo