| e-texts navigator |
| བོད་ཡིག |
36a1 @#/ /rgya gar skad du/ Ar+ya bud d+ha b+hU mi nA ma ma hA yA na sUtra/ bod skad du/ 'phags pa sangs rgyas kyi sa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus
36a2 gcig na/ bcom ldan 'das gzhal med khang chen po/ rin po che sna bdun mchog tu 'bar ba bkod pa/ 'jig rten gyi khams dpag tu med pa rgyas par 'gengs pa'i 'od zer chen po rab tu 'byung ba/ gnas tha dad pa shin tu rnam par
36a3 phye ba tshad med pa rnam par gnas pa/ rgya yongs su ma chad pa/ khams gsum pa thams cad las yang dag par 'das pa'i spyod yul/ 'jig rten las 'das pa'i de'i bla ma'i dge ba'i rtsa ba las byung ba/ shin tu rnam par dag cing dbang sgyur ba'i rnam par rig pa'i mtshan nyid/ de
36a4 bzhin gshegs pa'i gnas/ byang chub sems dpa' dpag tu med pa'i dge 'dun rjes su song ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang /
36a5 tshangs pa dang / 'jig rten skyong ba dang / mi dang / mi ma yin pa tshad med pa rnam par rgyu ba/ chos kyi ro'i dga' ba dang bde ba chen pos brtan pa/ sems can thams cad kyi don thams cad yang dag par thob par byed par nye bar gnas pa/ nyon mongs pa'i
36a6 dri ma'i gnod pa thams cad dang bral ba/ bdud thams cad yongs su spangs pa/ thams cad kyi bkod pa las lhag pa/ de bzhin gshegs pa'i byin gyi rlabs kyis bkod pa/ dran pa dang / blo gros dang / rtogs pa chen pos nges par 'byung ba yin pa/
36a7 zhi gnas dang lhag mthong chen po'i bzhon pa yin pa rnam par thar pa'i sgo chen po stong pa nyid dang / mtshan ma med pa dang / smon pa med pa nas 'jug pa/ rin po che chen po'i pad ma'i rgyal po yon tan gyi tshogs tshad med pas brgyan pa'i bkod pa la brten pa na bzhugs
iiif viewer powered by OpenSeadragon
Texts on this page
D275 - 'phags pa sangs rgyas kyi sa zhes bya ba theg pa chen po'i mdo