rKTs

e-texts navigator

Volume

Page

35a₁ med pa yang 'byung bar 'gyur ro/ /bla na med pa yang dag par rdzogs pa'i byang chub dang nye bar thob par yang 'gyur ro/ /'od srung chen po byang phyogs na sangs rgyas kyi zhing 'di nas pha rol na/ de bzhin gshegs pa dgra bcom pa yang dag par rdzogs
35a₂ pa'i sangs rgyas rin chen dam pa zhes bya ba da ltar bzhugs shing 'tsho la gzhes so/ /'od srung chen po rigs kyi bu'am rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i
35a₃ sangs rgyas rin chen dam pa de'i mtshan 'dzin par byed pa de dag ni bsod nams chen po skyed par 'gyur te/ 'od srung chen po rigs kyi bu'am rigs kyi bu mo theg pa chen po la yang dag par zhugs pa gang zhig gis sangs rgyas bcom ldan 'das rnams la ri'i rgyal po ri rab lta
35a₄ bu de tsam gyi gser gyi phung po 'bul zhing gtong la 'jog par byed cing de lta bur dbul ba 'bul bar byed pa yang lo bye ba khrag khrig brgya stong du dbul ba 'bul bar byed pa bas ni sangs rgyas kyi mtshan yongs su bzung ba'i dge ba'i rtsa ba 'di la brgya'i char yang nye bar mi 'gro/ stong dang /
35a₅ brgya stong dang / grangs dang / bgrang ba dang / dper yang nye bar mi 'gro ste/ de bzhin gshegs pa dgra bcom pa yang dag par rdzogs pa'i sangs rgyas rin chen dam pa'i mtshan 'dzin par byed pa rnams la gal te yod pa mchog ni 'di kho na yin no/ /
35a₆ de nas bcom ldan 'das kyis de'i tshe tshigs su bcad pa 'di skad ces bka' stsal to/ /'jig rten gyi ni mgon po 'od mdzad pa/ /de dag dus dang dus min mkhyen pa yis/ /sems can thams cad dag la phan mdzad pa/ /de dag shar dang lho dang nub dang ni/ /byang
35a₇ gi phyogs rnams dag na rab bzhugs pa/ /skyes bu rnams kyi gtso bo de dag la/ /nyin par dang ni mtshan mo dag tu yang / /gus dang bcas pas thal sbyar phyag byos shig /mi yi dam pa gang dag ni/ /bskal pa stong na 'byung ba yi/ /mchog tu rnyed dka'

_{iiif viewer powered by OpenSeadragon}

34b - 35b

Texts on this page