rKTs

e-texts navigator

Volume

Page

95b₁ dmar po dang / rdo'i snying po dang / spug dang / nor bu dang / mu tig dang / dbyig dang / dung dang / man shel dang / byi ru la sogs pa dang / dar yug dang / dril bu dang / za 'ug dang / gso ras bzang po dang / yul ka shi'i ras bzang po dang / dbu stan nang tshangs
95b₂ can dang / gding ba dang / gdugs dang / rgyal mtshan dang / ba dan dang / chos gos dang / mgur gyi rgyan dang / phyag gi rgyan dang / spos dang / me tog dang / bdug pa dang / rol mo'i sgra dang / lus 'dud pa dang / bla ma dang / gus pa chen po dang / gces par
95b₃ byed pa dag tu 'gyur ro/ /de nas bcom ldan 'das kyis de'i tshe phyag sor bcu'i thal mo sbyar nas 'di skad ces bka' stsal to/ /de dag gi mchod pa ni de nas nga nyid kyis bzhes par mdzad de/ sems can de dag thams cad ni bsam pa ji lta ba bzhin du theg pa gsum gyis phyir mi
95b₄ ldog pa dag tu 'gyur ro/ /sa phyogs la lar ni gtsug lag khang dang / gnas khang dang / 'chag sa dang / dgon pa'i gnas dang / skyed mos tshal dang / kun dga'i ra ba dag rab tu shom par byed do/ /yang na nyan thos kyi chos kyi gnas pa rnams la mchod pa dang /
95b₅ rim gro rnam pa sna tshogs 'di lta ste/ chos gos dang / bsod snyoms dang / mal cha dang / stan dang / na ba'i gsos sman dang / yo byad dag gis byed par 'gyur ba'am/ byed du 'jug par 'gyur ro/ /gtsug lag khang dang / 'chag sa dang / dgon pa'i gnas
95b₆ de dag tu yang bkur stir byas te chos nyan pa dang / rnam par gtan la dbab pa'i gtam byed pa dag tu 'gyur ba'am/ glegs bam dag klog par 'gyur ro/ /gtsug lag khang dang / 'chag sa la sogs pa de dag tu yang yongs su gtong ba rnam pa sna tshogs dag yongs
95b₇ su gtong bar 'gyur te/ 'di lta ste/ zhing gi gzhi 'am/ khyim gyi gzhi'am/ kun dga'i ra ba'i gzhi'am/ bran dang / bran mo dang / glang po che dang / rta dang / rnga mo dang / ba lang dang / ma he dang / bong bu dang / phyugs gzhan dag dang / snod spyad kyi yo byad rnam

_{iiif viewer powered by OpenSeadragon}

95a - 96a

Texts on this page