rKTs

e-texts navigator

Volume

Page

95a₁ du da ltar byang chub sems dpa' sems dpa' chen po grangs med pa/ dpag tu med pa gang gA'i klung gi bye ma snyed bsam gtan dang / mngon par shes pa'i yul la rnam par rtse ba dang ldan pa dag gis mi mjed kyi sangs rgyas kyi zhing 'di na chos kyi tshul yun ring du
95a₂ gnas par bya ba'i phyir dang / gsal bar bya ba'i phyir dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ma dad pa rnams dad par bya ba'i phyir dang / dad pa rnams phyir zhing
95a₃ 'phel bar bya ba'i phyir dang / sems can chos la mngon par brtson pa dag dang / chos kyis gnas pa dag dang / yon tan gyis phyug pa dag dang / sems la dbang dang ldan par gyur pa rnams bde ba la reg pa dang / rnam par tho 'tsham pa med par bya ba'i phyir dang / nga'i bstan
95a₄ pa rab tu mi 'jig par bya ba'i phyir dang / byang grol gyi bde ba yongs su rdzogs par bya ba'i phyir sa chen po 'di yongs su spyad par byas pa yin no/ /don de nyid byin gyis brlab par bya ba'i phyir de ltar na byang chub sems dpa' sems dpa' chen po rnams bsam gtan gyi yul dag gis
95a₅ rnam par rtse bar byed do/ /sa phyogs gang dang gang na byang chub sems dpa' sems dpa' chen po 'di dag 'khod cing bsam gtan gyi yul dag gis rnam par rtsen par byed pa de dang der da ltar dang / ma 'ongs pa'i dus na yang kha cig tu la lar nga 'das nas sems can 'khor ba'i
95a₆ 'jigs pas skrag par byed cing mya ngan las 'das pa 'dod pa dag sku gdung gi mchod rten dag byed du 'jug par 'gyur zhing / sangs rgyas kyi bzhugs khang dag gam/ sangs rgyas kyi sku gzugs dag gam/ chos kyi bzhugs khang dag byed par 'gyur ro/ /yang na der glegs
95a₇ bam du bri ba byas nas nga'i chos kyi sku yang 'chang bar 'gyur ro/ /der yang mchod pa rnam pa sna tshogs dag kyang byed par 'gyur zhing / der rin po che rnam pa sna tshogs dag kyang 'bul bar 'gyur te/ 'di lta ste/ gser dang / dngul dang / bai dUr+ya dang / shel dang / mu tig

_{iiif viewer powered by OpenSeadragon}

94b - 95b

Texts on this page