rKTs

e-texts navigator

Volume

Page

92a₁ cad dang ldan pa'i mi mjed kyi sangs rgyas kyi zhing thams cad sa dang nam mkha'i lam gang bar gyur cing / da dung bcom ldan 'das kyi chos kyi char gyi ston pas tshim par ma gyur nas thal mo dag rab tu sbyar te/ bcom ldan 'das kho na la blta zhing 'khod pa ni dper na
92a₂ nad pa dag sman pa la lta bar byed pa bzhin dang / mun pas khebs pa dag snang ba la lta bar byed pa bzhin dang / chu bos khyer ba dag chu 'gram du lta bar byed pa bzhin dang / sdug bsngal bar gyur pa dag skyabs la lta bar byed pa bzhin te/ de ltar mi mjed kyi sangs rgyas kyi
92a₃ zhing thams cad sa dang nam mkha'i lam byang chub sems dpa' sems dpa' chen po dag dang / nyan thos dag dang / dbang po brgya byin dag nas lto 'phye chen po'i dbang po dag gi bar dang / 'dod pa na spyod pa dang / gzugs na spyod pa'i lha gzhan dang gzhan dag nas mi dang
92a₄ mi ma yin pa rnams gzhan dang gzhan dag gi bar bcom ldan 'das chos dang ldan pa chos kyi rgyal po la lta zhing thal mo rab tu sbyar te cang mi smra bar 'khod par gyur to/ /de'i tshe tshangs pa chen po pad ma 'bar ba'i dpal zhes bya ba sangs rgyas mang po la lhag par bya ba byas pa dge
92a₅ ba'i rtsa ba bskyed pa/ bla na med pa yang dag par rdzogs pa'i byang chub las phyir mi ldog pa/ chos la dmigs pa'i byams pa shin tu yongs su sbyang ba byas par gyur to/ /de nas tshangs pa chen po pad ma 'bar ba'i dpal stan las langs te/ bla gos phrag pa gcig tu gzar nas
92a₆ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa brjod pa 'dis chos bshad par gsol ba btab bo/ /ring du gshegs shing myur ba'i rgyun dang ldan/ /zad pa lhur mdzad
92a₇ mi g.yo 'od gsal ba/ /rtogs pa thams cad skyed par mdzad pa po/ /khyod gsung rab zhi rgyu skar tshul mkhyen mkhas/ /dbugs rngub pa dang 'byung ba dran pa mkhyen/ /tshangs pa'i gnas pa bzhi po dag dang ldan/ /srid pa gsum po ji ltar dag 'gyur bar/ /sems can 'gro

_{iiif viewer powered by OpenSeadragon}

91b - 92b

Texts on this page