| e-texts navigator |
| བོད་ཡིག |
69b1 byams pa dang / tshe dang ldan pa 'od srung chen po dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa
69b2 bzhi pa sgrub pa zhes bya ba theg pa chen po'i mdo rdzogs so/ /@##/ /rgya gar skad du/ tri d+harma ka nA ma sU tra/ bod skad du/ chos gsum pa zhes bya ba'i mdo/ sangs rgyas dang byang chub sems dpa' thams cad la phyag 'tshal
69b3 lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs cig tu bzhugs te/ de nas bcom ldan 'das kyis dge slong rnams
69b4 la bka' stsal pa/ dge slong dag 'di na mi blun po la la dam pa'i chos ma yin pa gsum dang ldan na sbyin pa dag mi sbyin zhing bsod nams dag mi byed la/ tshul khrims yang dag par blangs nas gnas par mi byed do/ /gsum gang zhe na/ 'di lta ste/ 'dod chags
69b5 dang / ser sna dang / bag med pa ste/ dge slong dag 'di na mi blun po la la dam pa'i chos ma yin pa gsum po de dag dang ldan pas sbyin pa dag ma byin zhing bsod nams dag ma byas la/ tshul khrims yang dag par blangs te gnas par ma byas pas/ lus zhig ste shi ba'i
69b6 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /dge slong dag skyes bu dam pa dam pa'i chos gsum dang ldan pa ni sbyin pa dag sbyin zhing bsod nams dag byed la/ tshul khrims yang dag par blangs te gnas par byed do/ /gsum
69b7 po gang zhe na/ 'di lta ste/ ma chags pa dang / ser sna med pa dang / bag yod pa'o/ /dge slong dag dam pa'i chos gsum po de dag dang ldan na skyes bu dam pa sbyin pa dag byin zhing bsod nams dag byed la tshul khrims yang dag par blangs te gnas par byas pas lus
iiif viewer powered by OpenSeadragon
Texts on this page
D252 - 'phags pa bzhi pa sgrub pa zhes bya ba theg pa chen po'i mdo
D253 - chos gsum pa zhes bya ba'i mdo