| e-texts navigator |
| བོད་ཡིག |
58b1 bas/ /bdud kyi steng na gnas pa yin/ /sems can rnams la brtse ba'i phyir/ /'jig rten mar me byed cing rgyu/ /shA ri'i bu gzhan yang chos bzhi dang ldan na byang chub sems dpa' bzod pa sgrub pa yin te/ bzhi gang zhe na/ gus pas tshul khrims srung zhing so sor thar
58b2 pa la khyad du mi gsod pa dang / gus pas byams pa sgom par byed cing gnod sems la sbyor bar yang spong bar byed pa dang / thams cad mkhyen pa la 'dun pa drag po skyed par yang byed pa dang / dge ba'i chos thams cad la gces pa mi 'dor ba ste/ shA ri'i bu chos bzhi po de
58b3 dag dang ldan na byang chub sems dpa' bzod pa sgrub pa yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /de dag sangs rgyas kyis bsngags pa'i/ /tshul khrims
58b4 ma nyams ma ral srung / /tshul khrims phung po dag pa la/ /dga' ba nye bar skye bar 'gyur/ /chos rnams mang po tshol byed cing / /thos pa mang la legs gnas na/ /gang gis the tsom gcod byed pa'i/ /des de'i shes rab 'phel bar 'gyur/ /skye dang 'chi ba'i
58b5 rgyun dag las/ /'di dag ji ltar dgrol bya zhes/ /ltos med phan pa'i sems dag gis/ /dam pa'i chos kyang ston par byed/ /gnod sems don du mi gnyer bas/ /byams pa'i sems kyang sgom par byed/ /mi 'jigs pa dang phan pa'i sems/ /bdag dang
58b6 sems can mnyam pa nyid/ /byang chub la brten zil gnon pa'i/ /brtson pa dag kyang legs par rtsom/ /gang dag byang chub la rten pa'i/ /dge ba'i chos rnams tshol ba dang / /bsgom par bya ba sgom pa dang / /spang bar bya ba'ang rnam par spong / /ji ltar spang bya
58b7 spangs pa yis/ /myur du mya ngan 'da' bar 'gyur/ /dgon pa'i gnas la mngon phyogs shing / /gnod pa dag la rgyab kyis phyogs/ /thos pa tshol la brtson pa dag /go 'phang mchog ni rtogs par 'gyur/ /dge slong dge slong ma rnams dang / /dge bsnyen de
iiif viewer powered by OpenSeadragon
Texts on this page
D248 - byang chub sems dpa'i so sor thar ba chos bzhi sgrub pa zhes bya ba theg pa chen po'i mdo