rKTs

e-texts navigator

Volume

Page

57b₁ sems bsrung bar bya zhing de dang rjes su 'thun pa'i dge ba'i rtsa ba brten par bya/ gang sangs rgyas kyi byang chub yang dag pa nyid la zhugs pa de rnams la phan gdags par bya/ gang ma zhugs pa rnams la yang gnod par mi bya/ de la rnam pa de dag gnyi ga la yang gnod
57b₂ par mi bya'o/ /gang dag la bdag la khros par gyur nas yang dag pa ma yin pa rjod par byed cing srog gi bar chad byed par gnas pa/ tshangs par spyod pa'i bar chad byed pa la 'jigs pa'am/ gus par bya ba dang / tha na dga' ba'i tshig gis kyang de dang sems yongs
57b₃ su 'dris par bya/ gang las lung nod pa dang / kha ton 'don pa dang 'brel pa de la ni ston pa'i 'du shes bskyed cing gus par bya'o/ /de ltar tshangs pa mtshungs par spyod pa rnams la gus par yang bya'o/ /ji ltar lam bstan par bya zhe na/ sems mnyam pa nyid dang /
57b₄ sems rab tu dang ba nyid dang / yang dag par 'du shes pa dang / som nyi med pas lam la lam nye bar bstan par bya'o/ /gal te the tsom med par ma gyur na des lam shes pa'i skyes bu dag las mnyan nas lam nye bar bstan par bya'o/ /chos bzhi po de dag
57b₅ dang ldan na byang chub sems dpa' myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de la 'di skad ces bya ste/ tshul bzhin bsnyen bkur byed pa dang / /tshul bzhin chos ni nyan byed cing / /tshul bzhin shin tu don sems la/ /chos rnams kun gyi pha
57b₆ rol phyin/ /lus can rnams la phan don du/ /chos de yongs su tshol ba na/ /mkhan po dag dang nye gnas ni/ /gus pa kun gyis bya ba yin/ /rtag tu byams pa la gnas nas/ /byas pa gzo dang byas pa tshor/ /ngo tsha khrel yod phun sum tshogs/ /phrag dog
57b₇ tshul 'chos rnam par spangs/ /nad pa rnams ni gso byed pa/ /rnyed dka' rin chen 'du shes kyis/ /de dag 'du shes nyer gzhag nas/ /legs par bshad pa yongs su btsal/ /de dag thos pas bder 'gyur dang / /shes rab rnon po'ang skye 'gyur zhing / /'dod

_{iiif viewer powered by OpenSeadragon}

57a - 58a

Texts on this page