rKTs

e-texts navigator

Volume

Page

55b₁ de rnams na ba'i nye gnas dang / nad g.yog gi don du spro bar bya'o zhes skyes bu gzhan bzhi yang gtang bar bya ste/ shA ri'i bu byang chub sems dpas phyogs bzhir byams pa'i sems kyis khyab par chos kyi rjes su 'gro ba'i blo gzhag par yang bya/ phyogs gang du chos thos pa'i
55b₂ phyogs der yang 'gro bar bya'o/ /shA ri'i bu de ltar byang chub sems dpas chos btsal bar bya ste/ 'di ni mang du thos pa tshol ba shes pa yin no/ /shA ri'i bu chos bzhi po 'di dag ni byang chub sems dpa' rnams kyi bla na med pa yang dag par rdzogs pa'i byang chub sgrub par byed
55b₃ pa yin te/ shA ri'i bu sngon byung ba 'das pa'i dus na byang chub sems dpa' mkhas pa'i brtson 'grus zhes bya ba byung bar gyur te/ dus de'i tshe na de bzhin gshegs pa dgra bcom pa yang dag par rdzogs pa'i sangs rgyas legs skyes zhes bya ba byung bar gyur pa de yongs su mya
55b₄ ngan las 'das nas/ de'i bstan pa gnas par gyur pa'i tshe byang chub sems dpa' mkhas pa'i brtson 'grus zhes bya ba de mchod rten la phyag 'tshal zhing rgyu ba na byang chub kyi shing drung ga la ba de logs su song ste phyin nas/ des byang chub kyi shing de mthong ba na rab tu ngu zhing bcom
55b₅ ldan 'das de bzhin gshegs pa dgra bcom pa yang dag par rdzogs pa'i sangs rgyas des 'di la bzhugs nas/ bla na med pa yang dag par rdzogs pa'i byang chub tu mngon par rdzogs par sangs rgyas shing / bcom ldan 'das de bzhin gshegs pa dgra bcom pa yang dag
55b₆ par rdzogs pa'i sangs rgyas des 'dir bdud dpung dang bcas bzhon pa dang bcas pa btul te/ seng ge'i khri 'di'i don du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des bskal pa brgya stong phrag du mar dka' ba spyad de/ bcom
55b₇ ldan 'das de bzhin gshegs pa dgra bcom pa yang dag par rdzogs pa'i sangs rgyas des 'di la skyil mo krung gcig gis zhag bdun bzhugs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'di la bzhugs pa na/ bcom

_{iiif viewer powered by OpenSeadragon}

55a - 56a

Texts on this page