| e-texts navigator |
| བོད་ཡིག |
55a1 yang dag par sgrub par byed pa ni med de de dag kyang de bzhin gshegs pa'i stobs bcu dang / 'jig rten thams cad las mngon par 'phags pa'i ye shes dang / smon lam las yongs su nyams par 'gyur ro/ /de lta bas na shA ri'i bu byang chub sems
55a2 dpas sems can thams cad gang gis dga' bar 'gyur ba'i tshig de smra bar bya/ byang chub sems dpas bdag gi don du smra bar mi bya/ byang chub sems dpa' brtson 'grus dman par mi bya'o/ /shA ri'i bu stong du bgrangs pa las gcig 'grub pa'am/ 'grub pa med cing
55a3 shA ri'i bu stong phrag bcu dang / stong phrag nyi shu dang / stong phrag sum cu dang / stong phrag bzhi bcu dang / stong phrag lnga bcu dang / bye ba phrag stong du bgrang ba las gcig 'grub pa'am/ 'grub pa med do/ /de ci'i phyir zhe na/ shA ri'i bu de ltar gang byang chub sems
55a4 dpa'i spyod pa 'di la gnas pa de ni mngon par 'byung bar dka' ba yin no/ /shA ri'i bu de lta bas na bla na med pa yang dag par rdzogs pa'i byang chub don du gnyer bas 'di ltar sems bskyed par bya ste/ bdag gis sems can thams cad kyis mnag dka' ba mnag par
55a5 bya/ bzod dka' ba bzod par bya zhing bdag gis chos btsal bar bya ba'i phyir/ mngon par dga' bas brtson par bya'i longs spyod btsal ba'i phyir ni ma yin no/ /de ci'i phyir zhe na/ chos tshol bar byed pa ni ye shes tshol bar byed pa yin te/ 'dod pa rnyed pas rlom
55a6 par mi byed/ rab tu rlom par mi byed do/ /de bas na byang chub sems dpa'i theg pa la yang dag par zhugs pa'i sems can rnams kyis shes rab gtso bor bya'i longs spyod gtso bor mi bya'o/ /shA ri'i bu de ltar na gang chos kyi sbyin pa 'di la byang chub sems dpas mngon
55a7 par brtson par bya'o/ /shA ri'i bu de la byang chub sems dpas mang du thos pa'i shes pa btsal bar bya zhe na/ shA ri'i bu 'di la byang chub sems dpas gang thos pa'i legs par bshad pa de khyer la shog ces phyogs bzhir skyes bu bzhi gtang bar bya/ khyed cag rnams kyis
iiif viewer powered by OpenSeadragon
Texts on this page
D248 - byang chub sems dpa'i so sor thar ba chos bzhi sgrub pa zhes bya ba theg pa chen po'i mdo