rKTs

e-texts navigator

Volume

Page

54b₁ yang gus pa dang bcas par bya'o/ /de ltar 'dis brtson 'grus brtsam par bya ste/ ji ltar ji srid 'tsho'i mthar thug pa'i bar du gnyid dang rmugs pa bsal bar bya ste/ shA ri'i bu 'di ni byang chub sems dpa'i zhal ta byed pa'i bya ba yin no/ /shA ri'i bu de la thos pa mang po tshol
54b₂ ba'i shes pa gang zhe na/ shA ri'i bu gang sangs rgyas kyi byang chub kyi phyir byang chub kyi sems bskyed pa thob nas thos pa mang po la mngon par brtson par mi byed pa de ni byang chub sems dpa' bden par smra ba ma yin par rig par bya'o/ /shA ri'i bu ming tsam gyis bla na med pa yang dag
54b₃ par rdzogs pa'i byang chub tu mngon par rdzogs par 'tshang rgya bar mi nus kyi/ shes rab dang ldan pa nyid kyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar nus so/ /shes rab de yang gang las nges par 'byung ba yin zhe na/ mang du thos pa
54b₄ las shes rab 'byung ba yin te/ shA ri'i bu de lta bas na khyod kyis mngon sum du bya zhing khyod kyis so sor rig par bya'o/ /byang chub sems dpa'i theg pa la yang dag par zhugs pa'i sems can mang du thos pa la ji ltar the tsom skye bar 'gyur zhes gang byang chub sems dpa' de
54b₅ sems can rnams la phan 'dogs par byed pa'i byang chub la bdud sdig can bar chad byed par 'gyur te/ shA ri'i bu byang chub sems dpa' sems bskyed nas thos pa mang po la mngon par mi brtson pa gang yin pa de ni bdud sdig can gyi yongs su byin gyis brlabs pa nyid yin no/ /
54b₆ de lta bas na shA ri'i bu bdud kyi las thams cad yongs su shes par 'dod pas brtson 'grus brtsam par bya/ tshig gtso bor mi bya/ mkhas pa'i bya ba shes par bya zhing 'jig rten thams cad la grags pa'i bya ba shes par bya'o/ /shA ri'i bu de lta bas na 'jig rten thams cad las
54b₇ mngon par 'phags pa'i brtson 'grus dang / 'jig rten thams cad las mngon par 'phags pa'i tshul khrims kyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /shA ri'i bu gnas 'di don du gnyer ba mang yang nan tan gyis

_{iiif viewer powered by OpenSeadragon}

54a - 55a

Texts on this page