rKTs

e-texts navigator

Volume

Page

31b₁ de dag dri mi zhim pa de snom par byed dam/ 'on te mi snom/ gsol pa/ bcom ldan 'das de ni ma lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di ji snyam du sems/
31b₂ khyi ro de la rig par byed dam/ skyod par byed dam/ mngon par dga' bar byed na/ de skye bo mang pos bsngags par bya ba yin nam/ de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das mi de ni
31b₃ blta bar dka' ste/ de la bsngags par ga la bgyid/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyi ro de la 'khyud par byed pa'am/ skyod par byed pa'am/ mngon par dga' ba'i
31b₄ mi de la ni de bzhin gshegs pa bsngags pa mdzad kyi/ gang zhig bud med yul gyi bzang mo na tshod lo bcu drug lon pa'am/ lhag pa lta bu/ gzugs bzang ba/ mdzes pa blta na sdug pa/ nu ma rgyas pas mdzes pa/ rgyan gyis brgyan pa/ shin tu gzhon pa/
31b₅ reg na bde ba/ nad dang bral ba de la tha na rkang pa'i mthe bos reg par byed pa'i mi de la ni de bzhin gshegs pas bsngags par mi mdzad de/ shA ri'i bu yul gyi bzang mo de la tha na rkang pa'i mthe bos reg par byed pa'i mi gang zag de lta bu de ni shin tu smad par bya ba yin te/
31b₆ khyi ro de la 'khyud par byed pa'am/ skyod par byed pa'am/ mngon par dga' bar byed pa ni de lta ma yin no/ /shA ri'i bu 'di ji snyam du sems/ khyi ro la 'khyud pa'am/ reg pas sems can dmyal bar 'gro bar 'gyur ram/ gsol pa/ bcom ldan 'das de ni ma
31b₇ lags so/ /bka' stsal pa/ shA ri'i bu 'di ltar dge slong gis 'dod pa rnams la nyes dmigs kyi 'du shes bskyed par bya'o/ /shA ri'i bu ji ltar na dge slong gis lus la nyes dmigs kyi 'du shes bskyed par bya zhe na/ shA ri'i bu lus 'di ni gnod pa mang ba'o/

_{iiif viewer powered by OpenSeadragon}

31a - 32a

Texts on this page